Aımaqtar • 13 Shilde, 2020

Reseıden 6 dáriger Atyraý oblysyna kómekke keldi

149 ret kórsetildi

Búgin Nur-Sultan qalasynan kelgen reseılik dárigerlerdi Atyraý oblysynyń ákimi Mahambet Dosmuhambetov qabyldap, qalyptasqan ahýaldy túsindirip, jumysyna tabys tiledi, dep jazady Egemen.kz óńirlik kommýnıkasııalar qyzmetine silteme jasap.

"Jaǵdaıdy kórip otyrsyzdar. Elimizde qazir koronavırýspen birge pnevmonııa derti de ýshyǵyp tur. Osy aıda oblystyq aýrýhana janynan 400 oryndyq ınfeksııalyq stasıonar ashylady, sonymen birge Qurmanǵazy aýdanynan da qosymsha oryndar jasaqtalyp jatyr. Biz qajetti stasıonarlyq orynmen, dári-dármekpen, qural-jabdyqpen tolyqtaı qamtamasyz etemiz. Bastysy, sol jasaqtalyp, ashylyp jatqan oryndarda naýqastardy emdeıtin dárigerler kerek. Jyldar boıy kele jatqan medısınalyq mamandar tapshylyǵy qıyn kezde anyq baıqaldy", - dep atap ótti Atyraý oblysynyń ákimi Mahambet Dosmuhambetov.

Sondaı-aq aımaq basshysy jaqyn arada Reseıdiń Astrahan oblysynan taǵy bes dáriger maman keletinin de aıtty.

"Pandemııamen kúreske jumyldyrylǵan barlyq dárigerlerge jaǵdaıy jasalǵan ári jan-jaqty qoldaý jalǵasa beredi",- dedi ol. Ýaqytsha saparmen kelgen reseılik dárigerler Atyraýda úshinshi tamyzǵa deıin jumys isteıdi.

Eske sala ketelik, buǵan deıin Atyraý oblysynda medısına salasynda 278 maman jetispeıtinin habarlaǵan bolatynbyz.

 

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar