Aımaqtar • 13 Shilde, 2020

Túrkistan qalasynyń dárihanalarynda dári-dármektiń jetispeýshiligi anyqtaldy

25 ret kórsetildi

QR Sybaılas jemqorlyqqa qarsy is-qımyl agenttiginiń tóraǵasynyń tapsyrmasyna sáıkes Túrkistan oblysy boıynsha Departamentiniń basshysy Hakım Kóshqalıev bastaǵan jedel top Túrkistan qalasynda ornalasqan dárihanalarǵa arnaıy baryp, dárilik zattardyń baǵa turaqtylyǵyna jáne suranysqa ıe dári-dármekterdiń jetkizilý deńgeıine zerdeleý jumystaryn júrgizdi, dep jazady Egemen.kz

Monıtorıngtik jumysshy toptyń quramyna Agenttiktiń Túrkistan oblysy boıynsha Departamenti basshysynyń birinshi orynbasary M.Qarǵabaı, oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń mamandary, "Túrkistan – adaldyq alańy" jobalyq keńsesiniń menedjerleri men Arnaıy monıtorıngtik top músheleri, sondaı-aq qoǵam belsendileri qatysty. Júıeli júrgizilgen zerdeleý jumystary barysynda dárihana uıymdarynda dári-dármekteriniń jetispeýshiligi anyqtaldy. Máselen, "IP Erbulan", "IP Djapaqov" dárihanalarynda suranysqa ıe dárilik zattardyń, sonyń ishinde sef III, parasetamol, azıtromısın, ıngaverın, meropenem, askorbınovaıa kıslota, sefamed, deksametazon joq bolyp shyqty. Sondaı-aq, túrkistandyq dárihanalarǵa Almaty qalasynan 136 túrli asa qajetti dári-dárme ákelingendikten, birqatar dárihanalarda naýqas jandarǵa qajetti dári-dármek túrleriniń bar ekendigi de belgili boldy. Dárihanalardaǵy baǵa ósimine monıtorıng jumystary Kentaý qalasynda da júrgizilip, nátıjesinde "Balabıeva ı K" dárihana uıymynyń dárilik zattardy bekitilgen shektik baǵadan ósirgendigi anyqtaldy. Bul zańbuzýshylyq deregi boıynsha dárihana ıesi zań aıasynda ákimshilik jaýapkershilikke tartyldy.

Aıta ketsek, Agenttiktiń Túrkistan oblysy boıynsha Departamentiniń bastamasymen ár kún saıyn oblysqa qarasty dárihanalarǵa monıtorıng jumystary turaqty túrde júrgizilýde.



Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar