Aımaqtar • 13 Shilde, 2020

Aqtaýda dárigerler 4 qonaqúıge ornalastyryldy

151 ret kórsetildi

Bul týraly Mańǵystaý oblystyq kommýnıkasııa ortalyǵy habarlady.

Qazirgi tańda Mańǵystaýda qaýipti indet juqtyrǵan naýqastardy emdeý úshin 400-ge jýyq medısınalyq mamandar úzdiksiz qyzmet etýde.

Barlyq medısınalyq qyzmetkerler úılerine barmaı Aqtaý qalasy boıynsha 4 qonaq úıge ornalastyryldy. Atap aıtar bolsaq, "Nur Plaza", "Kóktem", "Antalııa" jáne "Arman" qonaq úıleri. Osy oraıda "Nur Otan" partııasynyń bastamasymen dárigerlerdiń qyzmetin qamtamasyz etý jáne qoldaý maqsatynda "Qarajanbas Munaı" AQ, "Kaz Azot" AQ, "Kaspıı Bıtým" JShS, "MAEK-Kazatomprom" JShS jáne de depýtattyq fraksııa músheleri medısınalyq qyzmetkerler ornalasqan qonaq úılerge kúndelikti qajetti sút ónimderi men kókónis, jemis jıdektermen qamtamasyz etý jumystaryn júrgizýde. Sonymen qatar medısınalyq qyzmetkerlerdiń úzdiksiz jumysyn júıelendirý maqsatynda "Nur Otan" partııasynyń uıymdastyrýymen dárigerlerdiń jumysqa qatynaýy úshin olar 5 arnaıy mıkroavtobýspen qamtamasyz etildi. Aldaǵy ýaqytta da "Nur Otan" partııasy dárigerlerdiń úzdiksiz jumysyn uıymdastyryp, júıeli túrde qajettilikterin qamtamasyz etý maqsatynda jumysyn jalǵastyra beredi.

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar