Úkimet • 13 Shilde, 2020

Bir ret qoldanylatyn maskanyń baǵasy 118 teńgeden 85 teńgege deıin arzandady

81 ret kórsetildi

Premer-Mınıstrdiń orynbasary E. Toǵjanovtyń tóraǵalyǵymen ótken Vedomstvoaralyq komıssııanyń otyrysynda elimizdegi sanıtarlyq-epıdemıologııalyq jaǵdaıdy turaqtandyrý boıynsha birqatar mańyzdy sheshimder qabyldandy, - dep jazady Egemen.kz.

Memleket basshysynyń tapsyrmasyn oryndaý úshin Atyraý oblysynyń kadrlyq áleýetin nyǵaıtý maqsatynda óńirge 102 joǵary bilikti maman, Mańǵystaý oblysyna 56 maman jiberiletin boldy;

Bir ret qoldanylatyn úsh qabatty medısınalyq maskanyń bólshek saýdadaǵy shekti baǵasy 118 teńgeden 85 teńgege deıin, ıaǵnı 28%-ǵa arzandatyldy;

Otandyq óndiristiń kólemin eskere otyryp, búgingi kúni óńirlerde dene qyzýyn túsiretin jáne bakterııaǵa qarsy preparattardyń aılyq qory qalyptastyryldy. Qazaqstan Respýblıkasyna dárilik zattardyń 3,5 mln oramasy jetkizildi, olar óńirler arasynda bólinip, taratylady. Osy aptada qajetti qosymsha dárilik zattardy jetkizý uıymdastyrylady;

Belgilengen sanıtarlyq-epıdemıologııalyq normalardyń saqtalmaýyna baılanysty, densaýlyq saqtaý, ishki ister mınıstrlikterine, óńirlerdiń ákimdikterine karantın rejıminiń anyqtalǵan buzýshylyqtaryn joıýǵa baǵyttalǵan barlyq sharalardy qabyldaı otyryp, mobıldi toptardyń jumysyn kúsheıtý tapsyryldy (jeke tulǵalarǵa - 30 AEK, zańdy tulǵalarǵa - 230 AEK kóleminde ákimshilik aıyppul salý kózdelgen);

Sonymen qosa, stasıonarlardaǵy pasıentterdi ottegimen qoldaýdy qamtamasyz etý maqsatynda óńirlerdiń ákimdikteri shuǵyl túrde 2600-den astam ottegi konsentraty men medısınalyq gazdardy satyp alýda.

"Elde barlyq qatań shekteý sharalary qabyldandy. Endi barlyq qoǵamdyq qozǵalystardyń áleýetin tarta otyryp, elimizdiń ár aýdanynyń, aýyly men aýlasynyń árbir turǵynyna karantın rejımin saqtaý qajettigi týraly aqparatty sapaly jetkizý qajet", - dep túıindedi E. Toǵjanov.

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar