Aımaqtar • 13 Shilde, 2020

Almaty qosymsha 3 mıllıonnan astam dári-dármek kútip otyr

15 ret kórsetildi

Qalalyq dárihanalarda belgili dárilik preparattarǵa suranystyń artýyna baılanysty Almatyny dári-dármektermen qamtamasyz etý máselesin sheshý úshin qosymsha sharalar qabyldandy, dep habarlaıdy Egemen.kz.

Bul týraly búgin Almaty qalasy ákiminiń orynbasary Saparbek Tuıaqbaev pen QR farmasevtıkalyq qyzmetti damytý jáne qoldaý qaýymdastyǵynyń prezıdenti Marına Dýrmanova Almaty qalasynyń óńirlik kommýnıkasııalar qyzmetiniń alańynda ótken onlaın-brıfıng barysynda habardar etti.

Osyǵan deıin habarlanǵandaı, Qazaqstanǵa dárilik preparattarymen 3 bort kelgen bolatyn. Qosymsha 3 mln astam dári kútilýde, onyń ishinde qyzýdy túsiretin preparattar, antıkoagýlıanttar jáne antıbıotıkter bar. Qazirgi ýaqytta aınalymy 70 paıyzdy quraıtyn qajetti dárilik quraldarmen Almaty qalasynda 105 dárihana qamtamasyz etilgen. Qalada, sonymen birge, dárihanalarda dárilerdiń bar-joqtyǵy men olardyń baǵalaryna qatysty turaqty monıtorıng júrgizilýde: preparat bolmaǵan árbir jaǵdaı jeke qarastyrylyp, pysyqtalady.

Naryqty turaqtandyryp, dárilik zattardyń ýaqtyly jetkizilýin qamtamasyz etý maqsatynda ónimder sertıfıkatyn alýdy jáne bir rettik  engizý  (ákelý) barysyn jeńildetý, sonymen birge, dárilerdi tirkelmegen qaptamamen engizýge ruqsat etý boıynsha sheshimder qabyldandy.

Almaty qalasynyń  dárihanalary men stasıonarly aýrýhanalaryn  dári-dárimekpen toqtaýsyz qamtamasyz etý úshin bıýdjeti 5 mlrd teńge bolatyn qalalyq turaqtandyrý qory quryldy. Qordyń basty qyzmeti preparattardy jetkizý toqtap qalǵan jaǵdaıda shuǵyl túrde áreket etýge arnalǵan qajetti rezerv qurý bolyp tabylady.

"Medıkamentter men jeke qorǵanys quraldaryn otandyq óndirýshilerdiń óndirýi baǵytynda da júıeli jumystar júrgizilýde. Atap aıtqanda, jyl sońyna deıin, farmasevtıkalyq klasterdi qurý josparlanýda. Osynyń bári ımportqa táýeldi bolmaý úshin jasalýda", - dedi Saparbek Tuıaqbaev.

Almaty qalasynda jatatyn oryndar qorynyń kóbeıýinen stasıonarly aýrýhanalardaǵy naýqastar sany kóbeıip, dárige de suranys artty. Osyǵan baılanysty ákimdik bastamasymen medıkamentterdi, sharýashylyq taýarlar men aýyz sýdy qala stasıonarlaryna táýlik boıy jetkizetin shtab quryldy. Saparbaek Tuıaqbaev sonymen qatar, stasıonarly aýrýhanalardyń janynda dáriger jazǵan dáriler tegin beriletin dárihanalardyń bar ekenin aıtyp ótti.

"Qazir qala naryǵyn dárilik preparattarmen qamtýǵa arnalǵan barlyq qajetti sharalar qabyldandy", - dep qorytyndylady Marına Dýrmanova.

Jeke tulǵalar dárihanalardy dárilerdiń bar-joqtyǵyn jáne olardy qaıdan alýǵa bolatynyn jedel jeli telefondaryna habarlasý arqyly bile alatynyn eske salamyz. Zańdy tulǵalar da medıkamentterdi jetkizý máseleleri boıynsha osy nomerlerge habarlasa alady. Almatydaǵy dárilermen qamtamasyz etý jáne olardyń baǵasynyń jónsiz qymbattaýy máseleleri boıynsha jedel jeli telefondary: +7 (775) 882 52 00, +7 (775) 882 53 92, +7 (775) 882 53 12, +7 (775) 882 54 16, +7 (775) 882 56 49.

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar