Osy oraıda óz isine qaltqysyz berilgen, naýqastardyń saýyǵyp ketýine janyn sala júgirip júrgen medısına salasynyń qyzmetkerlerine qoldaý kórseteıik. О́ıtkeni olardyń jumysy onsyz da qıyn. Bizdiń kómegimiz aýa jaıylýshylyqtan arylyp, karantın keziniń qatań tártibine baǵyný. Bul ózimiz úshin ǵana emes, ózgelerdiń de aman-saýlyǵy úshin aýadaı qajet. Men adamzattyń osynaý indetti jeńip shyǵatynyna senimdimin. Al onymen kúreste qandaı jaǵdaı bolmasyn ózimizdi, ózimiz arqyly aınalamyzdaǵy adamdarǵa qamqorlyq kórsete alamyz. Árqaısymyz jan-jaǵymyzǵa janashyrlyq tanytqanda ǵana adamzat basyna tóngen aýyr kúnder artta qalady.
Elimizdiń bolashaǵy jolynda barshamyz aman bolaıyq, aǵaıyn.
Tarıhtyń talaı tar jol, taıǵaq keshýinen ótken qazaq kórmegen qasiret bar ma? Tórtkúl dúnıeniń tóbesinde áńgir taıaq oınatqan myna koronavırýs ta sonyń biri bolsa kerek. Álemniń ár shalǵaıyndaǵy ǵulama ǵalymdardyń qaırat qyla almaı otyrǵanyna qaraǵanda, bul ońaı jaý emes. Áıtse de adamzattyń aqyl-oıy túbinde jeńiske jetetinine óz basym shúbá keltirmeımin. Endeshe, aldan týar aq kúnnen úmitimizdi úzbeıik. Bárimiz jaqsylyqtyń aty ozýyna jan-tánimizben tilekshi bola bileıik.
Baqytjan QANAPIIаNOV,
aqyn, Qazaqstannyń eńbek sińirgen qaıratkeri
