Álem • 14 Shilde, 2020

Qazaqstan Nıý-Iorktegi qarjygerdi sotqa berdi

139 ret kórsetildi

Qazaqstan Respýblıkasy nıý-ıorktik qarjyger Danıel Chepmendi jáne onymen baılanysty qarjy kompanııalaryn keń aýqymdy alaıaqtyqty júzege asyrý maqsatynda sóz baılasty dep aıyptap, olarǵa qarsy quqyqtyq qýdalaý bastady. Qazirgi tańda, Qazaqstannyń Nıý-Iork shtatynyń Joǵarǵy sotyna berilgen shaǵymy qarastyrylýda. Bul týraly Ádilet mınıstrliginiń baspasóz qyzmetine silteme jasaı otyryp Egemen.kz habarlaıdy.

Eki moldavandyq olıgarh Anatol Statıdiń jáne onyń uly Gabrıel Statıdiń ("Statı") Qazaqstandaǵy kompanııalarynda Danıel Chepmen jáne onyń ınvestısııalyq kompanııalary basty ınvestorlar boldy.

Shaǵymǵa sáıkes, Statı qazaqstandyq kompanııalardyń shyǵyndaryn úlkeıtý arqyly olardy júıeli túrde aktıvterden aıyryp, óziniń halyqaralyq ınvestorlarynan qarajat jymqyrdy. Statı alaıaqtyqty iske asyrý úshin jalǵan qarjylyq eseptilikti jasady. Sodan keıin bul eseptiliktiń shynaıylyǵyn málimdeıtin aýdıtorlyq esepterdi alý úshin óziniń aýdıtorlary KPMG-ge ótirik aıtty.

Sonymen qatar, Statıdiń kompanııalaryna ınvestısııa quıǵan ınvestorlardyń arasynda Deutsche Bank, Goldman Sachs jáne Standard Chartered Bank sııaqty uıymdar boldy. Investısııalar boıynsha senimdi basqarýshy Wells Fargo Bank boldy.

Qazaqstan Danıel Chepmen shamamen 2012 jyly Statı alaıaqtyǵy týraly bildi, biraq tıisti sharalar qoldanýdyń ornyna, ol urlanǵan aqshany Qazaqstanǵa qarsy tórelik jáne sot prosesteri arqyly qaıtarý úshin moldavandyq bıznesmendermen zańsyz kelisimge keldi dep málimdeıdi.

Shaǵymda "Chepmen jáne onyń kompanııalary qarjy pıramıdasyn júzege asyrýǵa qosylǵan jábirlenýshiler sııaqty áreket etti. Jábirlenýshiler Statıdiń qylmystyq shemasyn buzýdyń ornyna, olar óziniń urlanǵan aqshasyn jańa jábirlenýshiden [Qazaqstannan] alý úshin alaıaqtyq shemany qoldaýǵa sheship, urlanǵan aqshasyn qylmyskerlerden zańdy túrde qaıtarýǵa tyrysqan joq", dep aıtylǵan.

О́tken jyly KPMG burmalanǵan qarjylyq eseptilikteri boıynsha Statıge berilgen óziniń barlyq aýdıtorlyq esepterin qaıtaryp alýyn Statıge eleýli soqqy retinde qarastyrýǵa bolady. KPMG bul esepterge "senim artýǵa bolmaıdy" dep málimdedi, sebebi Statı KPMG-degi óziniń aýdıtorlaryna birneshe ret ótirik aıtqanyn dáleldeıtin jańa dálelderge kóz jetkizdi.

Nıý-Iorktegi sotta Qazaqstan keltirilgen shyǵyndardyń ornyn toltyrý týraly talaptar qoıyp, osy is alqabıler sotynyń qatysýymen qaralýy týraly ótinish berdi.

Qazaqstan Respýblıkasynyń Ádilet mınıstri Marat Beketaev:

"Jábirlenýshiler joǵalǵan ınvestısııalardy qaıtarýdyń basqa tásilderin tabýdyń ornyna olardy aldaǵan qylmyskerlerge qarjylaı qoldaý kórsetýi tańǵalarlyq jaıt bolyp tabylady. Alaıda, Danıel Chepmen jáne onyń kompanııalary Statımen Qazaqstanǵa qarsy birigip, strategııalyq qatege jol berdi. Chepmen Qazaqstanǵa qarsy Statıdiń tórelik talqylaýy jáne sot prosesteri alaıaqtyqqa negizdelgenin bile tura, prosesterdi qoldaýdy jón kórdi. Biz Nıý-Iorktegi sotqa jáne alqabılerge barlyq dálelderdi usynýǵa daıynbyz. Biz ádilettilik aqyry jeńetinine senimdimiz".

Sońǵy jańalyqtar

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar