Ekonomıka • 14 Shilde, 2020

Erbolat Dosaev: Ulttyq bank bıylǵy ınflıasııa deńgeıin 8-8,5% sheginde ustap turýdy kózdep otyr

13 ret kórsetildi

Ulttyq bank tóraǵasy Erbolat Dosaev 2020 jyly ınflıasııany 8-8,5% dáliz sheginde ustap turýǵa baǵyttalǵan aqsha-kredıt saıasaty júrgiziletinin málim etti, dep jazady Egemen.kz

"Ol úshin Ulttyq bank qolda bar quraldardy paıdalanady. Sonymen qatar Memleket basshysynyń monetarlyq emes ınflıasııany tómendetý tapsyrmasyn oryndaý maqsaty kózdeledi. Ol úshin naryqtardy taýarlarmen toltyrý, jetkizý tizbegin ońtaılandyrý jáne alypsatarlyqqa jol bermeý jolymen Úkimet pen jergilikti atqarýshy organdar tarapynan ımportqa táýeldilikti azaıtý boıynsha sharalar qabyldaý qajet. Bul aqsha-kredıt saıasatyn iske asyrýdyń tıimdiligin arttyrýǵa múmkindik beredi", - dedi Erbolat Dosaev Úkimet otyrysynda.

Erbolat Dosaev sondaı-aq Ulttyq bank budan buryn qabyldanǵan daǵdarysqa qarsy sharalar men jańa bastamalardyń negizinde ekonomıkany qalpyna keltirýge qatysatynyn jetkizdi.

"Ulttyq bank pen Qarjy naryǵyn retteý jáne damytý agenttigi Úkimetpen birlesip osy jyldyń shildesiniń sońyna deıin áleýmettik-ekonomıkalyq ahýal nasharlaǵan jaǵdaıda salalardy qoldaýdyń qosymsha sharalar toptamasyn daıyndaıdy," - deıdi ol.

Eske sala ketsek Úkimettiń keńeıtilgen otyrysynda Memleket basshysy Qasym-Jomart Toqaev Úkimet pen Ulttyq bankke jaǵdaı ýshyǵatyn bolsa, halyq pen salalardy qoldaýdyń qosymsha sharalar paketin ázirleýdi tapsyrǵan bolatyn.

Sońǵy jańalyqtar

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar