Úkimet • 14 Shilde, 2020

Úkimet basshysy pandemııamen kúres tıimdiligin arttyrý úshin quzyrly organdarǵa birqatar mindet júktedi

54 ret kórsetildi

Úkimet basshysy Asqar Mamın qazaqstandyqtardy karantın talaptaryn qatań saqtaýǵa shaqyrdy, dep jazady Egemen.kz

"Memleket basshysy Qasym-Jomart Toqaev Úkimettiń keńeıtilgen otyrysynda aldaǵy kezeńge birqatar naqty mindetteme belgiledi. Osy tapsyrmalar boıynsha memlekettik organdardyń usynystaryn tyńdadyq. Bul rette usynystardy eskere otyryp, kelesi sharýalardy tapsyramyn", - dedi Asqar Mamın Úkimet otyrysynda.

Asqar Mamın aldymen koronavırýs pandemııasymen kúres júrgizý úshin quzyrly organdarǵa birqatar mindet júktedi.

"Qatań karantındik sharalardyń ekinshi aptasy ótip jatyr. Vırýstyń taralýy boıynsha jaǵdaı kúrdeli. Densaýlyq saqtaý mınıstrliginiń usynysy boıynsha epıdemıologııalyq ahýaldy odan ary turaqtandyrý úshin shekteý sharalaryn taǵy eki aptaǵa, 20 shildeden bastap 2 tamyzǵa deıin uzartý týraly sheshim qabyldap otyrmyz. Osy rette barlyq qazaqstandyqtady karantın talaptaryn qatań saqtaýǵa shaqyramyn. Bul sharalar asa mańyzdy. Densaýlyq saqtaý mınıstrligi ákimdiktermen, múddeli memlekettik organdarmen karantındi odan ary júzege asyrý úshin barlyq sharalardy iske asyrsyn", - dedi ol.

Úkimet basshysy dári-dármektiń qajetti qory baryn aıtyp ótti.

"Ári ol únemi tolyqtyrylyp otyrady. Olardy dárihanalar men stasıonarlarǵa naqty bólý boıynsha barlyq sharalardy qamtamasyz etý qajet. Atyraý jáne Mańǵystaý oblystarynda vırýsty juqtyrǵandar sanynyń artýyna baılanysty jaǵdaıdy turaqtandyrý úshin osy óńirlerge mamandar jiberildi. Bul shara Atyraý oblysyn - 102, Mańǵystaý óńirin 56 mamanmen jumysty nyǵaıtýǵa múmkindik jasaıdy. Atalǵan ákimdikter jiberilgen mamandarǵa kómek kórsetsin", - dedi ol.



Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar