Qazaqstan • 14 Shilde, 2020

"Siz Túrksib tarıhyn bilesiz be?" vırtýaldy vıktorınasy bastaý aldy

44 ret kórsetildi

"Qazaqstan temir joly" UK" AQ "Túrkistan – Sibir magıstralynyń 90 jyldyq" mereıtoıyna arnalǵan is-sharalardy jalǵastyrýda. Osyǵan oraı "Siz Túrksibti bilesiz be?" vırtýaldy vıktorınasy bastaý aldy, dep Egemen.kz habarlaıdy. 

Konkýrs 2020 jyldyń 13 pen 19 shildesi aralyǵynda ótedi. Vıktorına qatysýshylary úshin jaýaptardy ótkizý merzimi 2020 jyldyń 24 shildesi, al 27 shilde men 7 tamyz aralyǵynda qorytyndysy shyǵarylady jáne de jeńimpazdar maraptalady. Qatysýshylar árqaısysyna tórt jaýap nusqasy bar 25 suraqqa jaýap berýi tıis. 

Bonýstar retinde jeńimpazdar syılyqtar alady. Sonymen, 1 oryn úshin jeńimpaz 2020 jyldyń 31 jeltoqsanyna deıin kez kelgen kúnge Qazaqstan Respýblıkasynyń aýmaǵy boıynsha baryp jáne keri qaıtýǵa "Talgo" kommersııalyq poıyzdarynyń "Grand" klasty vagonymen jol júrýge 99% kóleminde jeńildik alady, 2 oryn úshin – "Bıznes" klasty vagonymen jol júrýge 99% kóleminde jeńildik, 3 oryn úshin – "Týrıst" klasty vagonymen jol júrýge 99% kóleminde jeńildik. 

Uıymdastyrýshy – Kompanııanyń Tehnıkalyq ortalyǵy ókilderiniń sózine qaraǵanda, atalǵan vıktorına Qazaqstan temir joldary tarıhyna súıispenshilik daǵdysyn sińirýge kómektesedi, qatysýshylardyń elimizdiń tarıhy men dańqty ótkenine degen qatystylyq sezimderin qalyptastyrýǵa qyzmet etedi. 

Qatysý shartynyń tolyq sıpattamasymen kompanııanyń korporatıvtik saıtynan tanysýǵa bolady. 

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar