Aımaqtar • 14 Shilde, 2020

Mańǵystaýǵa BAÁ-nen medısınalyq jabdyqtar jetti

37 ret kórsetildi

Birikken Arab Ámirliginen aımaqqa gýmanıtarlyq kómek jetkizildi.  7,5 tonna júk tıelgen áýe kemesi Aqtaý halyqaralyq áýejaıyna kelip qondy, dep habarlaıdy Egemen.kz.

Kelgen kómektiń ishinde 25 jasandy ókpe ventılıasııasy (IVL) qurylǵysy, 95 myń dana betperde, 100 myń dana antıtelan anyqtaıtyn test, 250 myń dana medısınalyq qolǵap, 15 myń qorǵanysh halaty jáne 6 myń dana qorǵanysh japqyshy (nakıdka) bar.

 1

Bul medısınalyq jabdyqtar Mańǵystaý oblysyndaǵy barlyq qala men aýdandardaǵy medısınalyq uıymdarǵa úlestirilip beriledi.

Atap aıtqanda, Aqtaýǵa 10 jasandy ókpe ventılıasııasy (IVL) qurylǵysy, 26 myń betperde, 90 myń qolǵap, 4 myń qorǵanysh halaty, 2 myń qorǵanysh japqyshy, Jańaózenge 5 jasandy ókpe ventılıasııasy (IVL) qurylǵysy, 21 myń betperde, 60 myń qolǵap, 3 myń qorǵanysh halaty, 1 myń qorǵanysh japqyshy, Beıneýge 2 jasandy ókpe ventılıasııasy (IVL) qurylǵysy, 9400 betperde, 20 myń qolǵap, 1600 qorǵanysh halaty, 600 qorǵanysh japqyshy, Túpqaraǵan aýdanyna 2 jasandy ókpe ventılıasııasy (IVL) qurylǵysy, 5400 betperde, 20 myń qolǵap, 1600 qorǵanysh halaty, 600 myń qorǵanysh japqyshy, Munaıly aýdanyna 2 jasandy ókpe ventılıasııasy (IVL) qurylǵysy, 22400 betperde, 20 myń qolǵap, 1600 qorǵanysh halaty, 1600 qorǵanysh japqyshy, Mańǵystaý aýdanyna 2 jasandy ókpe ventılıasııasy (IVL) qurylǵysy, 5400 betperde, 20 myń qolǵap, 1600 qorǵanysh halaty, 600 qorǵanysh japqyshy, Qaraqııa aýdanyna

2 jasandy ókpe ventılıasııasy (IVL) qurylǵysy, 9400 betperde, 20 myń qolǵap, 1600 qorǵanysh halaty, 1 myń qorǵanysh japqyshy.

Gýmanıtarlyq kómektiń durys bólinip, maqsatty jumsalýyn ár qala men aýdandarda arnaıy qurylǵan komıssııa qadaǵalaıdy. Komıssııa quramyna jergilikti depýtattar, qoǵam belsendileri men memlekettik organ ókilderi enedi.

Mańǵystaý óńiriniń basshysy kómek qolyn sozǵan Abý Dabı ámirliginiń Taq murageri, Birikken Arab Ámirlikteriniń Qarýly Kúshteri Bas qolbasshysynyń orynbasary sheıh Muhammed ben Zaıd Ál Nahaıan men Abý Dabı bıleýshi áýletiniń ókili sheıh Sýrýr ben Muhammed Ál Nahaıanǵa alǵysyn bildirdi.

Sońǵy jańalyqtar

Uqsas jańalyqtar