Aımaqtar • 14 Shilde, 2020

Túrkistanda turǵyndardy adaldyqqa shaqyratyn mýral salyndy

108 ret kórsetildi

Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamenti janynan qurylǵan "Túrkistan - adaldyq alańy" jobalyq keńsesi men qalalyq ákimdiginiń qoldaýymen oblys ortalyǵynda "Ádil sóılep, adal júr" atty jańa mýral salyndy, dep habarlaıdy Egemen.kz

Túrkistan qalasyn "Otyrar" yqsham aýdanyndaǵy  kópqabatty turǵyn úıdiń qabyrǵasyna salynǵan mýralda qazaq dalasynyń tól perzenti, túrki halyqtarynyń uly oıshyly Qoja Ahmet Iаsaýıdyń beınesi keskindelgen. Kóz tartar kompozısııanyń negizgi ereksheligi - bıiktigi 15 metrdi quraıtyn mýral uly aqynnyń  "Ádil sóılep, adal júr" degen tereń tárbıelik mazmunǵa ıe danalyq sózine negizdelip salynǵan. Departament basshysynyń birinshi orynbasary Mıras Qarǵabaı jańa kompozısııa qala turǵyndarynyń arasynda  ádildik pen adaldyq qaǵıdattarynyń keń dáriptelýine  jáne óskeleń jas urpaqtyń ónegeli jolǵa baǵyt burýyna septigin tıgizetinin aıtady.

Departament baspasóz qyzmetiniń habarlaýynsha, Ahmet Iаsaýı babamyzdyń ǵıbratty asyl sózderinen bastaý alǵan bul bastama, aldaǵy ýaqytta oblystyń barlyq aýdan, qalalarynda jalǵasyn tabatyn bolady.

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar