Aımaqtar • 14 Shilde, 2020

Mańǵystaýda “Halyqqa kómek” qoǵamdyq shtaby quryldy

97 ret kórsetildi

О́ńirdiń birneshe belsendi kásipker azamattary, onyń ishinde Aqtaý qalasy máslıhatynyń depýtattary bastama kóterip, oblys ákimi jáne Aqtaý qalasy ákimimen aqyldasa otyryp, bıylǵy jyldyń 11 shildesinde "Halyqqa kómek" qoǵamdyq shtabyn qurdy. Qoǵamdyq shtabty basqarý Edil Jańbyrshınge tapsyryldy, dep habarlaıdy Egemen.kz.

Qoǵamdyq shtabtyń quramyna oblys, qala, aýdan depýtattary jáne belsendi azamattar tartyldy. Barlyǵy - 17 adam, onyń altaýy - Jańaózen qalasy men aýdandardaǵy ókilder.

Qoǵamdyq shtabtyń negizgi maqsaty - halyqqa, jergilikti atqarýshy bılikke, barlyq deńgeıdegi memlekettik organdarǵa, densaýlyq saqtaý mekemeleri men ujymdaryna, dárigerlerge qoldan keletin kómekti jasaý. Bılik tarapynan qurylǵan shtabtardyń jumystaryn qaıtalamaı, kerisinshe, olardyń qoly jetpeı nemese ıgere almaı jatqan sharýalary bolsa, sol problemalardy birlese sheshýge atsalysý.

-Álemdi jaılaǵan koronovırýs indeti Qazaqstandy da aınalyp ótken joq. Halqymyzǵa, barlyq áleýmettik-ekonomıkalyq salalarǵa úlken soqqy berýde. Mańǵystaý da bul indetten zardap shegýde. "El basyna kún týsa, er basyna syn týady"  degen, halyqtyń basyna qıyndyq týǵanda, kózi ashyq, kóńili oıaý adam bul jaǵdaıǵa beı-jaı qaraı almaıtyndyǵy sózsiz.Qazirdiń ózinde keıbir elge qajetti jumystardy bastap kettik. Mysaly, bul aýrýdan basqa syrqattarmenyratyn adamdarǵa kúndizgi stasıonarlardy ashý, qan ortalyǵymen jumys jasaý, qonaq úılerde ornalasqan dárigerlerge qosymsha beriletin dárýmendi tamaqtardy jetkizýdi retteý jáne basqalar. Qoǵamdyq shtab el ishindegi barlyq belsendi toptarmen, azamattarmen jumys jasaýǵa ashyq jáne daıyn. Eldiń durys usynys, pikirlerin qabyldap, óz jumysymyzǵa qoldanýǵa ázirmiz. Qadirli aǵaıyn!

Bundaı náýbet elimizdiń basynan talaı ótken, ata-babamyz barlyǵynan bas biriktirip, abyroımen shyqqan! El Prezıdenti bul jaǵdaıdy soǵyspen teńep otyr, rasynda da solaı! Qazaq "Altaý ala bolsa aýyzdaǵy ketedi, tórteý túgel bolsa tóbedegi keledi" deıdi.  Sondyqtan, aǵaıyn, babalardyń dástúrin ustap, kúsh biriktireıik, bas  qosaıyq!  Birlese qımyldap, qıyndyqty jeńip shyǵaıyq!

Elimizge tynyshtyq, otbasymyzǵa amanshylyq, denimizge saýlyq tileıik!", - delingen shtabtyń Úndeýinde.

Qoǵamdyq shtab aqparattyq tehnologııalardyń múmkindigin paıdalanyp, meıilinshe ara qashyqtyqty ustap, jumys jasaıdy. Halyqpen baılanys úshin arnaıy adamdar belgilendi. Barlyq aqparatty tez arada, jedel jarııalap otyrý úshin áleýmettik jeliler men BAQ paıdalanylady.

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar