Álem • 14 Shilde, 2020

Álemde COVID-19 taralýynyń 4 ssenarııi

208 ret kórsetildi

Qazirgi ýaqytta álemniń túrli aımaqtarynda koronavırýstyń taralýynyń tórt negizgi ssenarııi bar, dep jazady Egemen.kz Dúnıejúzilik densaýlyq saqtaý uıymynyń (DDU) basshysy Tedros Adan Gebreıesýske silteme jasap.

Tedros Gebreıesýs barlyq elder qaýip-qaterge ushyraǵanyn, alaıda koronavırýstan barlyǵy birdeı dárejede zardap shekken joq ekenin atap ótti. DDU basshysynyń aıtýynsha, birinshi ssenarıı aýrýdyń órshýi týraly eskertilgen jáne habardar bolǵan elderde júzege asyryldy — nátıjesinde olar iri órshýlerden qutyla aldy. Olardyń qatarynda Ońtústik-Shyǵys Azııa, Karıb basseıni, Afrıka jáne Tynyq muhıty aımaǵynyń keıbir elderi bar.

Eýropanyń kóptegen elderinde baıqalǵan ekinshi ssenarııge sáıkes, aýrýdyń aýqymdy órshýi oryn aldy, alaıda olar koronavırýstyń taralýyn boldyrmaý boıynsha sharalardy ustanatyn basshylyq pen halyqtyń arqasynda baqylaýǵa alyndy.

Gebreıesýs úshinshi ssenarıı aýrýdyń alǵashqy órshýin jeńe alǵan elderde paıda bolǵanyn, biraq olar shekteýlerdi álsiretip, endi aýrýdyń jańa tolqynymen kúresýge májbúr bolǵanyn atap ótti. Bul rette ol mundaı ssenarıı baıqalatyn elderdi aıtpady.

Tórtinshi ssenarııge Amerıka, Ońtústik Azııa jáne Afrıkanyń birneshe elderin qamtıdy, onda ınfeksııanyń qarqyndy berilý kezeńi baıqalady. Gebreıesýs aýrýdy baqylaýǵa alý úshin eshqashan kesh emes ekenin atap ótti.

14 shilde kúni tańerteń álemde koronavırýsty juqtyrǵandardyń jalpy sany 13,1 mıllıon adamnan asty. Pandemııa 188 eldi qamtydy. SARS-CoV-2-den eń kóp zardap shekken el-AQSh (juqtyrǵandardyń sany 3,4 mıllıonnan asady). Ekinshi orynda Brazılııa (1,8 mıllıon adam), Úndistan (906 myń adam) úshinshi orynda. Reseı (733 myń) Perýden (330 myń) ozyp tórtinshi orynǵa turaqtady. Reıtıngtiń ondyǵyna Chılı, Meksıka, Ulybrıtanııa, OAR jáne Iran ornalasty.

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar