Medısına • 14 Shilde, 2020

Karantın sharalary elorda dárigerleriniń júktemesin azaıtty

16 ret kórsetildi

Nur-Sultanda 5 shildede karantın sharalary engennen beri, medısına qyzmetkerleri men medısınalyq mekemelerdiń júktemesi tómendedi. Eger buryn kúnine 500-ge jýyq naýqas kelip tússe, qazir eki ese tómen kórsetkish baıqalady. Bul týraly elorda ákimdiginiń baspasóz qyzmetine silteme jasaı otyryp Egemen.kz habarlaıdy.

Saýyǵyp ketkenderdiń sany da 2 ese artyp, búginde kúnine 400-ge jýyqtady. Sonymen qatar jedel járdem stansııasyna kelip túsken shaqyrý táýligine 2800-den 1600-ge deıin azaıdy. Sondaı-aq pnevmonııasy bar naýqastar 14% azaıdy.

Qabyldanǵan karantın sharalary men ambýlatorlyq emdeý nátıjesi arqasynda tósek-oryn qajettiligi 99%-dan 73%-ǵa deıin tómendedi. Máselen, "Ortalyq temirjol aýrýhanasynda" karantınge deıin Covid-19 anyqtalǵan 230 naýqas bolsa, qazir 124 naýqasqa deıin, №1 qalalyq aýrýhanada naýqastar sany 760-tan 500-ge deıin, №3 qalalyq aýrýhanada 475-ten 320 naýqasqa deıin qysqardy. Pandemııa bastalǵannan beri stasıonarlar sany 3-ten 14-ke deıin artty. Bul – 4 myńǵa jýyq tósek-oryn.

Qalada koronavırýs juqtyrǵan 6899 naýqas tirkelip, onyń jartysynan kóbi ıaǵnı, 4321 naýqas emdelip shyqty. Qala ákimdigimen dári-dármek, medısınalyq qural-jabdyqtar, jeke qorǵanys quraldary, t. b. satyp alý boıynsha turaqty jumystar júrgizilýde.

"Qatań karantın sharalaryn buzbaý qanshama adamnyń ómirin saqtap qalýǵa bolatynyn kórsetedi. Tek sanıtarııa normalaryn saqtaǵan kezde (maska taǵý, áleýmettik qashyqtyq saqtaý jáne adam kóp jınalatyn jerlerge barmaý) koronavırýs ınfeksııasynyń taralý qaýpin edáýir tómendetýge bolady. Bizdiń paryzymyz – adam ómirin qutqarý. Biraq jaqyndaryńyz ben týystaryńyzdyń densaýlyǵy ózderińizge de baılanysty. Ár adam kún saıyn qaýirsizdik sharasyn qatań saqtap, jaýapkershilik tanytýy kerek. Sonda ǵana biz vırýsty jyldam jeńe alamyz", dep atap ótti qalalyq qoǵamdyq densaýlyq saqtaý basqarmasy.

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar