Qazaqstan • 14 Shilde, 2020

Mınıstr 42 500 teńgeniń qashan tólenetinin aıtty

3889 ret kórsetildi

Eńbek jáne halyqty áleýmettik qorǵaý mınıstri Birjan Nurymbetov 42 500 teńgeniń qashan tólenetinin málimdedi, - dep habarlaıdy Egemen.kz

"Memleket basshysynyń tapsyrmasymen QR Úkimetiniń keńeıtilgen otyrysynyń qorytyndysy boıynsha daǵdarysqa qarsy sharalardy júzege asyrý aıasynda koronavırýstyq ınfeksııaǵa baılanysty jaǵdaıdy turaqtandyrý úshin qatań shekteý sharalaryn engizý saldarynan tabystaryn joǵaltqan muqtaj azamattarǵa aǵymdaǵy jyldyń shilde aıynda Memlekettik áleýmettik saqtandyrý qorynan eń tómengi jalaqy (42 500 teńge) mólsherinde birjolǵy tólem júzege asyrylady", – dedi ol.

Mınıstr birjolǵy tólemdi taǵaıyndaýǵa ótinimdi:

–jalaqysy saqtalmaıtyn demalysqa jiberilgen jaldamaly qyzmetkerleri úshin jumys berýshiler;

– karantındik sharalardyń kúsheıýine baılanysty qyzmeti shektelgen jeke kásipkerler men ózin-ózi jumyspen qamtyǵan azamattar bere alatynyn aıtyp ótti.

Qazirgi ýaqytta Qazaqstan Respýblıkasy Eńbek jáne halyqty áleýmettik qorǵaý mınıstrligi birjolǵy tólemdi júzege asyrý qaǵıdalaryn ázirleýde.

"Biz juma kúni azamattardyń ótinish berýge múmkindigi paıda bolady dep úmittenemiz, al dúısenbiden bastap tólemderdi taǵaıyndaýǵa kirisýdi josparlap otyrmyz. Sondaı-aq biz jekelegen sanattaǵy azamattar úshin proaktıvti formatta tólem taǵaıyndaý múmkindigin qarastyramyz", – dedi Birjan Nurymbetov.

Eńbekmıniniń basshysy sonymen qatar beıresmı túrde ózin-ózi jumyspen qamtyǵan adamdarǵa birjolǵy tólemge ótinish berý úshin BJT-ny qaıta tóleý mindetti emes ekenin atap ótti.

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar