Álem • 14 Shilde, 2020

Ulybrıtanııada dárigerler koronavırýstyń ekinshi tolqyny týraly aıtyp berdi

275 ret kórsetildi

Eger vırýstyń taralýyn baqylaý boıynsha eleýli sharalar qoldanylmasa, osy qysta kútiletin COVID-19 taralýynyń ekinshi tolqyny kezinde Ulybrıtanııada koronavırýsty juqtyrǵannan keıin 120 myńǵa jýyq adam kóz jumýy múmkin, dep jazady Egemen.kz Ulybrıtanııanyń medısına ǵylymdary akademııasynyń zertteý derekterine silteme jasap. 

"Aýrýhanaǵa jatqyzý men ólim-jitim jaǵdaılarynyń sany 2021 jyldyń qańtar jáne aqpan aılarynda eń joǵarǵy kórsetkishke jetedi. Bul tipti 2020 jyldyń kókteminde bolǵan birinshi tolqynnan da nashar. Medısınalyq mekemelerdegi (Qarttar úılerinen basqa) ólim-jitim sany 2021 jyldyń qyrkúıegi men 2021 jyldyń maýsym aralyǵynda 119 900-ge jetýi múmkin", - delingen Akademııa materıalynda. Alaıda, bul esepter COVID-19 taralýyna qarsy kúres jónindegi bıliktiń múmkin bolatyn sharalaryn eskermeıdi.

Ǵalymdar Ulybrıtanııa bıligin vırýstyń berilýin qysqartý jáne juqtyrý jaǵdaılaryn baqylaý, qaýip-qaterdi tómendetý úshin aýrýdyń taralýynyń ekinshi tolqynyna belsendi daıyndyqty bastaýǵa shaqyrady.

Ulybrıtanııada koronavırýstan qaıtys bolǵandardyń sany 45 myńǵa jaqyndady, naýqastanǵandardyń sany 290 myńnan asty. Alaıda, sońǵy aptada eki kórsetkish de turaqty túrde tómendep keledi. Bul Úkimetke birtindep karantındik shekteýlerdi alýǵa múmkindik berdi.

 

Sońǵy jańalyqtar

Uqsas jańalyqtar