Aımaqtar • 14 Shilde, 2020

Qaraǵandyda pýlmoprovızorlyq gospıtal ashyldy

28 ret kórsetildi

Kenshiler astanasyndaǵy oblystyq klınıkalyq aýrýhana janynan 350 tósektik pýlmoprovızorlyq gospıtal ashyldy, dep habarlaıdy Egemen.kz oblys ákiminiń baspasóz qyzmetine silteme jasap.

Medısınalyq mekemede 100 tósek ınfeksııalyq, al 250 tósek  pýlmoprovızorlyq bolady. Sondaı-aq, gompıtalde ókpeni jasandy jeldetý (О́JJapparattarymen, pasıent monıtorlarymen jáne perfýzorlarmen jabdyqtalǵan jan saqtaý bólimi bar.

Epıdemıologııalyq qaýipsizdik maqsatynda barlyq úı-jaılar oqshaýlanyp, beınebaqylaý júıesimen jabdyqtalǵan. Ǵımarattyń ishinde kompıýterlik tomograf ornatylǵan, al ekinshi apparat munda jaqyn arada jetkiziledi. Gospıtal koronavırýs ınfeksııasyn juqtyrǵan naýqastardy ǵana   emes, sonymen birge túrli bronho-ókpe aýrýlarynan zardap shegetinderdi de qabyldaıtyn bolady.

Medısınalyq mekemede bir aýysymda 20 dáriger, 30 medbıke men sanıtar jumys isteıdi. Taıaýda medısınalyq qyzmetkerlerge kómekke áskerı dárigerler de keldi. Olar juqpaly aýrýlar bólimine jetekshilik etetin bolady.

Jańa pýlmoprovızorlyq gospıtaldiń basshysy Lázzat Sholanova juqpaly aýrýlar bólimshesi ashylǵan soń, KVI-men aýyratyn naýqastardy ınfeksııalyq gospıtaldarǵa jiberýdiń qajeti bolmaıtynyn atap ótti.

"Pasıent kelip túskende, biz qannyń ottegimen qanyǵý deńgeıin satýrasııasyn tekseremiz. Eger ol jaqsy bolsa, kompıýterlik tomografııa jasaımyz. Qajet bolǵan jaǵdaıda naýqasty pýlmoprovoızorlyq bólimshege ornalastyramyz. Osy kezeńde biz koronavırýs ınfeksııasyn anyqtaý úshin PTR-test alamyz. Eger, ol rastaǵan nátıje berse, naýqasty juqpaly aýrýlar bólimine aýystyramyz", dep túsindirdi ol.

Medısınalyq mekemeniń tynys-tirshiligimen tanysýǵa arnaıy kelgen oblys ákimi Jeńis Qasymbek atqarylǵan jumystarǵa oń baǵa berdi.

 

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar