Aımaqtar • 14 Shilde, 2020

Almatydaǵy Pasıentterdi monıtorıngileý ortalyǵynyń pandemııa kezindegi kómegi qandaı?

22 ret kórsetildi

Pnevmonııaǵa shaldyqqandar sanynyń artýyna, jedel medısınalyq kómek pen emdelýge jatqyzýdyń qajettiligine baılanysty, Almaty qalasynyń ákimi  Baqytjan Saǵyntaevtyń tapsyrmasymen qalalyq Qoǵamdyq densaýlyq saqtaý basqarmasy men S.Asfendııarov atyndaǵy QazUMÝ kómegimen Almatydaǵy Kardıologııa jáne ishki aýrýlar ǴZI bazasynda Pasıentterdi monıtorıngileý ortalyǵy quryldy.

Osy ortalyqtyń basshysy, professor, medısına ǵylymynyń doktory, joǵary sanatty allergolog-ımmýnolog Taır Nurpeısov qysqa merzimde ortalyqtyń mindetteri, tehnıkalyq múmkindikteriniń aıqyndalǵandyǵyn, ýnıversıtet jáne ınstıtýttyń rezıdentteri qatarynan, dárigerler men professorlar-oqytýshylar quramynan eriktiler brıgadasy uıymdastyrylǵandyǵyn atap ótti.

Onyń aıtýynsha, jumys úsh deńgeıli júıe boıynsha uıymdastyryldy. Olar halyq jáne medısına qyzmetkerleriniń eń jıi qoıatyn suraqtaryna jaýap beretin táýlik boıǵy Call-ortalyq, joǵary medısınalyq bilimi men jalpy praktıka dárigeriniń sertıfıkaty (rezıdent dárigerler) bar 12 operatorly kóp arnaly telefon jelisi. Qashyqtyqtan konsýltasııa berýge arnalǵan kezekshi dárigerler brıgadasy (24 maman, onyń ishinde terapevter, pýlmonologtar, allergolog-ımmýnologtar, hırýrgtar, akýsher-gınekologtar) úı jaǵdaıynda koronavırýs ınfeksııasy, pnevmonııa men ilespeli aýrýlardy emdeý jáne monıtorıngileýge qatysty bolatyn suraqtarǵa táýlik boıy jaýap beredi. Sarapshy-dárigerler (kardıologtar, ınfeksıonıster, gastroenterologtar, endokrınologtar, allergolog-ımmýnologtar, pýlmonologtar, hırýrgtar jáne t.b.) – joǵary praktıkalyq tájirıbesi bar 40-tan astam maman Pasıent – MSAK dárigeri konsýltant rejıminde beıne konsýltasııalar berýde.

Ortalyq aldynda halyqqa koronavırýs ınfeksııasymen kúresýdiń naqty sharalaryn, asqynýlardyń profılaktıkasyn; ishki aǵzalardyń ilespeli aýrýlarynyń menedjmentin; jedel medısınalyq kómek pen emdelýge jatqyzýǵa degen qajettilikti tómendetý, úreı, qorqynysh kóńil-kúıin azaıtý, ózin ózi emdeýmen aınalysý, ǵylymǵa qaıshyádister men quraldardyń paıdalanylýyna qatysty aqparat berýdi qamtamasyz etý mindeti tur.

Qysqa ýaqyt aralyǵynda Ortalyqtyń qyzmeti KVI jaǵdaıyn turaqtandyrýǵa múmkindik bergen kórinedi. Muny  qazaqstandyq áriptesterine kómek kórsetýge Almatyǵa Reseı  Federasııasynan kelgen saraptaý tobynyń músheleri de atap ótti.

Kardıologııa jáne ishki aýrýlar ǴZI Baspasóz qyzmetinń málimdeýinshe, Ortalyq qurylǵan sátinen bastap, ıaǵnı 7-12 shilde aralyǵynda 100 pasıent konsýltasııa aldy, táýlik boıy 200-den astam qońyraýlar qabyldanǵan. Elimizdiń basqa óńirlerinen: Almaty, Atyraý, Jambyl jáne t.b. oblystardan  da telefon shalyp jatady, sonymen qatar qalalar men oblystardyń jeke medısına uıymdarynyń medısına qyzmetkerlerinen ótinishter kelip túsedi. Barlyq ótinishter der kezinde óńdelip, olarǵa kómek kórsetiledi.

Mańyzdy da, ózekti máseleler boıynsha barlyq deńgeıde únemi nusqaýlyqtar men trenıngter ótkiziledi. Almaty qalasynyń Ákimdigimen, Qoǵamdyq densaýlyq saqtaý basqarmasymen, emhanalarmen, jedel medısınalyq kómek kórsetý stansııasymen, stasıonarlarmen aqparat almasý qatynasyn jaqsartý jumysy jolǵa qoıyldy.

Qalanyń bas ınfeksıonısti, professor Amangúl Dúısenova, bas pýlmonolog, professorýle Qasenova, bas allergolog, professor Taır Nurpeısovtyń qatysýymen "COVID-19 kúrdeliligine baılanysty ambýlatorlyq deńgeıde emdep qaraýdyń taktıkasy" taqyrybynda vebınar ótkizildi. Turaqty túrde dúnıe júzinen ǵylymı-praktıkalyq izdenisterdiń jetistikteri men nátıjeleri týraly qysqasha aqparat qurastyrylady.

Ortalyq mamandary elimizde bolyp jatqan osyndaı qıyn ýaqytta qala turǵyndaryna kómek kórsetý úshin barlyq kúsh-jigerlerin salyp otyr. Olardyń kóbisi KVI jáne pnevmonııamen aýyryp shyqty, degenmen qaıtadan qatarǵa qosylyp, osy indetti emdeýdiń durys tásili ómirge qaýipti asqynýlardyń aldyn alatyndyǵyn kórsetti.

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar