Aımaqtar • 14 Shilde, 2020

Túrkistan oblysyna О́zbekstannan 142 myń qorap dári-dármek jetkizildi

42 ret kórsetildi

Kórshi elden jetkizilgen dári-dármekter arasynda "askorbın qyshqyly" men "deksametozon" jáne "geparın" syndy preparattar bar. Naýqastarǵa asa qajetti dáriler oblys aýmaǵyndaǵy barlyq aýrýhanalar men emhanalarǵa taratylady.

Aıta keterligi, medısınalyq mekemege túsken dáriniń ár qutysyna "tegin" degen qyzyl mór qoıylady. Iаǵnı mundaı dárilerdi ózge jerden keziktirgen azamat jergilikti ákimdikke shaǵymdana alady.
Sonymen qatar, oblys ákimi О́mirzaq Shókeevtiń bastamasymen júrgizilgen kelisimge sáıkes, Túrkııadan 41 túrli dári qory jetkiziletin bolady. Olardyń qatarynda naýqastarǵa arnalǵan antıbıotıkter, vırýsqa qarsy preparattar men temperatýrany tómendetin antıkoagýlıanttar bar. Atalǵan dáriler aldaǵy aptada oblystaǵy 160-qa jýyq dárihanalarǵa shekti baǵamen úlestiriledi. Dáriler Densaýlyq mınıstrligi bekitken shekti baǵamen satylatyn bolady. Zańdylyqtyń saqtalýyn arnaıy monıtorıngtik top baqylaıdy. Sondaı-aq, antıbıotıkter tek dárigerdiń nusqaýymen berilip, bir adamǵa eki qoraptan artyq satylmaıdy. Jalpy oblys ákimdigi halyqty qajetti dárilik zattarmen qamtamasyz etý maqsatynda jergilikti bıýdjet esebinen 500 mln teńge  bólip otyr.

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar