Álem • 14 Shilde, 2020

Belorýssııada Prezıdent laýazymyna úmitkerler anyqtaldy

139 ret kórsetildi

Belorýssııanyń ortalyq saılaý komıssııasy prezıdent saılaýyna qatysatyn bes kandıdatty tirkedi, dep jazady Egemen.kz

Komıssııa jumysynyń qorytyndysy boıynsha Belorýssııa prezıdenti laýazymyna kúresti respýblıkanyń qazirgi basshysy Aleksandr Lýkashenko, eks-depýtat Anna Kanopaskaıa, "Govorı pravdý" qozǵalysynyń kóshbasshysy Andreı Dmıtrıev, bloger Sergeı Tıhanovskııdiń jubaıy Svetlana Tıhanovskaıa, sondaı-aq "Belorýssııalyq sosıal-demokratııalyq Gramada" partııasynyń tóraǵasy Sergeı Cherechen jalǵastyrady. Bul rette, qoldaýshylarynyń jetkiliksiz bolýyna baılanysty Prezıdenttiń eks-kómekshisi Valerııa Sepkalo, sondaı-aq burynǵy Belgazprombanktiń basshysy Vıktor Babarıkoǵa shet memleketter men uıymdardyń tabysy jáne onyń naýqanyn qarjylandyrýdaǵy kómegi týraly deklarasııanyń sáıkes kelmeýine baılanysty tirkeýden bas tartyldy.

Esterińizge sala keteıik, Belorýssııa Prezıdentiniń saılaýy 9 tamyzda ótedi. Prezıdenttikke kandıdattarda saılaý aldyndaǵy úgit júrgizý úshin bir aıdan az ýaqyt bolady. Bul rette sońǵy aılarda elde jappaı narazylyq aksııalary ótip, 700-den astam adam ustaldy. Olardyń bir bóligi áli kúnge deıin qamaýda.

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar