Álem • 14 Shilde, 2020

Túrkııa Áýlıe Sofııa shirkeýi boıynsha Eýroodaqtyń synyna jaýap berdi

201 ret kórsetildi

Túrkııa syrtqy ister mınıstri Mevlıýt Chavýshoglý Stambýldaǵy Áýlıe Sofııa (Aııa-Sofııa) shirkeýi mártebesiniń ózgerýi týraly Eýropa Odaǵy tarapynan synǵa jaýap berdi, dep jazady Egemen.kz "Rıa Novostı" Reseı Halyqaralyq aqparat agenttigine silteme jasap.

Eýropadaǵy syrtqy saıasat jáne qaýipsizdik saıasaty jónindegi joǵarǵy ókili Jozef Borrel Brıýsselde ótken otyrysta Eýroodaq SIM basshylary Áýlıe-Sofııa shirkeýin musylmandardyń Qudaıǵa qulshylyq etý ornyna aınaldyrý týraly sheshimdi qaıta qaraý jáne joıý týraly usynysty qoldaıtynyn málimdedi.

"Biz Eýroodaq tarapynan kelgen synǵa qarsymyz. Bul bizdiń egemendigimizge baılanysty taqyryp. Bizdiń ata-babalarymyz Aııa-Sofııany qalaı saqtasa, biz ony dál solaı saqtaımyz. Onda namaz oqylatyn bolady. Biraq áli de kelýshiler úshin esik ashyq. Ispanııada shirkeýge aınalǵan meshitter bar. Múmkin bizge olardy da qaıta meshitke aınaldyrýdy talap etý kerek shyǵar,- dedi Chavýshoglý Ankaradaǵy jýrnalısterge.

Esterińizge sala keteıik, 10 shilde kúni Túrkııanyń joǵarǵy ákimshilik soty Aııa-Sofııa shirkeýin murajaıǵa aınaldyrý týraly 1934 jyly qabyldanǵan sheshimdi joıdy. Osydan keıin Túrkııa prezıdenti Taıyp Erdoǵan shirkeýdi meshitke aınaldyrý týraly Jarlyqqa qol qoıyp, onda musylmandyq Qudaıǵa qulshylyq etýdiń bastalýy týraly málimdedi. Qulshylyq etý 24 shildede bastalady.

Áýlıe Sofııa shirkeýi  hrıstıan ımperatory Iýstınıan buıryǵymen salyndy. 537 jyldyń 27 jeltoqsany shirkeý qulshylyq etýge ashyldy. Myńdaǵan jyldar boıy Áýlıe Sofııa hrıstıan álemindegi eń úlken shirkeý boldy. 1453 jylda Osmannyń Konstantınopoldi basyp alýy jáne Vızantııa ımperııasynyń qulaýynan keıin shirkeý meshitke aınaldy. Biraq 1934 jyly Túrkııanyń negizin qalaýshy Kemal Atatúriktiń dekreti boıynsha ǵımarat murajaı bolyp ózgertilip, IýNESKO-nyń dúnıejúzilik murasynyń tizimine engizildi.

 

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar