Aımaqtar • 14 Shilde, 2020

Atyraýda naızaǵaıdyń jarqylynan 11 530 gektar alqaptyń shóbi órtendi

315 ret kórsetildi

Qyzylqoǵa aýdanynda ótken eki máýlikte 11 530 gektar aýmaqtyń qurǵaq shóbi  órtenip ketti. Bul týraly oblystyq Tótenshe jaǵdaılar departamenti málim etti, dep habarlaıdy Egemen.kz.

Baspasóz qyzmetiniń aqparatyna qaraǵanda, 12 shildede saǵat 12:25-te Saǵyz aýyldyq okrýginen 70 shaqyrym qashyqtaǵy Tasqudyq eldi mekeniniń aýmaǵynda qurǵaq shóp órtke sharpyldy. Dala órti saǵat túngi 23:25-te aýyzdyqtalyp, 13 shildede saǵat   00:30-da tolyqtaı sóndirilipti.   Oǵan Muqyr aýyldyq okrýginiń 15 turǵyny men 1 tehnıka, Kenbaı ken ornynan  5 adam men 1 tehnıka tartyldy. О́rttiń tutanýyna naızaǵaıdyń jarqyly sebep bolǵan.О́rtengen jerdiń aýmaǵy – 880 gektar.  
1

"Sol kúni, 12 shildede saǵat 12:30-da atalǵan aýdan aýmaǵyndaǵy Tasshaǵyl aýyldyq okrýginen 36 shaqyrymdaǵy Apantaı, Japalaq-1, Japalaq-2, Qosoba, Ájibaı, Qaraǵaı, Ushaq ushy, Aıǵyrshaǵyl, Jýaly, Qosbıek, Shárip, Ámir, Baıqońyr ýchaskelerinde 10 000 gektar aýmaqta dalalyq qurǵaq shóp órtendi. Bul ýchaskelerdegi órt 13 shildede 03:30-da aýyzdyqtalyp, tańǵy saǵat 04:20-da tolyǵymen sóndirildi. Munda da dala órti naızaǵaıdyń jarqylynan tutanǵan. О́rtti sóndirýge Tótenshe jaǵdaılar departamentiniń 7 qyzmetkeri men 1 tehnıkasy,   Tasshaǵyl, Kózdiqara, Mııaly aýyldarynan  26 adam men 9 tehnıka jumyldyryldy" -dep habarlady departamenttiń baspasóz qyzmetinen.

Sonymen birge, 13 shildede Tasshaǵyl aýyldyq okrýginen 15 shaqyrym jerde dala órti tirkelip, Qaraǵaı, Qaraqudyq, Baıbek, Ájibaı ýchaskelerinde 650 gektar aýmaqtyń qurǵaq shóbi janyp ketti. Bul ýchaskelerdegi jalyndy aýyzdyqtaýǵa 10 tehnıkamen jumylǵan erikti órt sóndirý jasaqtarynyń 80 adam órtti saǵat 23:20-da tolyqtaı sóndirdi.

 

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar