Anyǵynda, aǵymdaǵy jyldyń 14 shildesindesaǵat 02.30-da Nur-Sultan qalasynyń áýejaıyna Túrkııadan gýmanıtarlyq júk keldi. Júkti alýshylar "SK-Farmasııa" JShS, "Aıdyn Nýry" qaıyrymdylyq qory, "Otandastar" qory bolyp tabylady.
12 tonnadan astam júk dári-dármekterdi, medısınalyq qorǵanys quraldaryn jáne IVL apparattaryn qamtıdy.
Samoletten júkti túsirý aǵymdaǵy jyldyń 14 shildesinde saǵat 4.00 aıaqtaldy. Keıin atalǵan júk áýejaı qoımasyna ornalastyryldy.
Saǵat 10.00-de taýar alýshylardyń ókilderi kelgennen keıin jeńildetilgen tártipte kedendikrásimdeý júrgizildi. Barlyq kedendik rásimder 10 mınýttyń ishinde jasaldy. Saǵat 11.00-ler shamasynda júk áýejaıdan birneshe partııamen áketildi.
Bul oraıda Memlekettik kirister komıteti sertıfıkattaýǵa jatatyn taýarlardy ákelý barysynda kedendik resimdeý úshin ruqsatnama qujattaryn usyný qajettigin atap kórsetedi, sebebi bizdiń azamattardyń ómiri men densaýlyǵy medısınalyq preparattar men buıymdardyń sapasyna tikeleı táýeldi, al bul eń mańyzdy. Sapasyz preparattar men buıymdardy qoldaný, pandemııa kezinde qosymsha qaýip-qater týdyrady.
Memlekettik kirister organdary taýarlardy jedel kedendik resimdeýge kúsh jumyldyryp otyr jáne qajetti qujattar usynylǵan kezde, gýmanıtarlyq kómek dereý shyǵarylatyn bolady.
Osyǵan baılanysty barlyq keden beketteri táýlik boıǵy rejımde jumys jasaıdy, onda qajetti qujattardy usyný jóninde keńes berýge kómektesedi.
Kásipkerlik sýbektilerin jáne qoǵamdyq birlestikterdi qandaı da bir túsinbeýshilikterdi, tolqýlardy boldyrmaý maqsatynda qajetti keńes alý úshin aldyn-ala júginýdi suraımyz.
Sondaı-aq, Memlekettik kirister komıtetiniń Kontakt-ortalyǵyna 1414, 8-800-080-7777 baılanys telefondary boıynsha júginýge bolady, delingen habarlamada.
