Keshe Memleket basshysy Nursultan Nazarbaevtyń tóraǵalyǵymen EKSPO-2017 halyqaralyq kórmesine daıyndyq jáne ony ótkizý máseleleri jóninde keńes ótti, dep habarlady Prezıdenttiń baspasóz qyzmeti.
Keńeste Premer-Mınıstr Serik Ahmetov, Qorshaǵan ortany qorǵaý mınıstri Nurlan Qapparov jáne «Astana EKSPO-2017» Ulttyq kompanııasy» AQ basqarma tóraǵasy Talǵat Ermegııaev atqarylǵan jumys týraly esep berdi.
Keshe Memleket basshysy Nursultan Nazarbaevtyń tóraǵalyǵymen EKSPO-2017 halyqaralyq kórmesine daıyndyq jáne ony ótkizý máseleleri jóninde keńes ótti, dep habarlady Prezıdenttiń baspasóz qyzmeti.
Keńeste Premer-Mınıstr Serik Ahmetov, Qorshaǵan ortany qorǵaý mınıstri Nurlan Qapparov jáne «Astana EKSPO-2017» Ulttyq kompanııasy» AQ basqarma tóraǵasy Talǵat Ermegııaev atqarylǵan jumys týraly esep berdi.
Nursultan Nazarbaev Astanaǵa búkilálemdik kórme ótetin alań retinde tańdaý túsken kezden bastap bir jyldaı ýaqyt ótkenin, EKSPO-2017 halyqaralyq kórmesine daıyndyq barysyn qarap, tirkeý málimetin ázirlep, ózge de uıymdastyrýshylyq-quqyqtyq máselelerdi sheshken jón ekenin aıtty.
Memleket basshysy EKSPO-2017 kórmesine qarjylandyrýdyń ózge kózderin, sonyń ishinde korporatıvtik qatysýshylardy – álemdik deńgeıdegi kompanııalardy tartýdyń mańyzdylyǵyn, munyń kórmege daıyndyq jasaý jónindegi jumystyń negizgi baǵyttarynyń biri bolýǵa tıis ekenin atap ótti. Buǵan qosa, Qazaqstan Prezıdenti dál osy EKSPO-2017 kórmesi aıasynda jańa joǵary tehnologııalyq ázirlemeler tanystyrylymyn ótkizý qajettigine toqtaldy.
– Men birinshi kúnnen kórmeni ótkizýde ysyrapqa jol berilmeýin aıtyp kelemin. Osy oraıda salynǵan barlyq ınfraqurylymnyń kórmeden keıin de paıdaǵa asýy mańyzdy másele bolyp qala bermek. Kórme elimizdiń ár azamatyna qoljetimdi bolyp, ony aralap shyǵýlaryna múmkindik jasalýǵa tıis, – dedi Nursultan Nazarbaev.
Memleket basshysy ınternettegi, áleýmettik resýrstar men BAQ-tardaǵy tıimdi jáne shyǵyn az jumsalatyn jarnama esebinen alǵa qoıǵan mindetti oryndaýda aqparattyq-ımıdjdik jumysty júzege asyrýda jańashyl qadamdar qajettigine nazar aýdardy.
Keńes barysynda Premer-Mınıstr kórmege daıyndyq Memleket basshysynyń tapsyrmasyna jáne Ulttyq josparǵa sáıkes júrgizilip jatqanyn baıandady, sondaı-aq barlyq atalǵan másele Úkimet pen Ulttyq komıssııanyń udaıy baqylaýynda ekenine toqtaldy.
Qorshaǵan ortany qorǵaý mınıstri kórmeniń jalpy aýmaǵy 173 gektar bolatynyn jáne onda ártúrli ınfraqurylymdyq nysandar ornalasatynyn baıandady. Buǵan qosa, kórmeniń aýmaǵy Astananyń ornyqty energetıkany damytý jóninde kóshbasshy bolýyna múmkindik beretin úshinshi ındýstrııalyq revolıýsııany is júzine asyratyn álemdegi birinshi aýdanǵa aınalmaq.
Keńes sońynda Memleket basshysy Adrian Smath + Gordon Gill Architecture kompanııasy ázirlegen kórme kesheniniń arhıtektýralyq eskızin maquldady.
