Bólimsheniń tárbıe jáne áleýmettik jumys tobynyń bastyǵy Ańsar Shákenov atap ótkendeı, osy rásim kezinde 150 jas ulan Otanǵa degen adaldyǵy týraly ant qabyldady.
"Karantınge baılanysty ant qabyldaýdy onlaın-rejımde ótkizýdi sheshtik", - deıdi Ańsar Shákenov. - Tikeleı efırge Nur-Sultan qalasy, Aqmola, Almaty jáne Mańǵystaý oblysy qatysty. Barlyǵy myńnan astam jazylýshylar: sarbazdardyń ata-analary men jaqyndary. Is-shara áskerı bólimsheniń aýmaǵynda ótti.
Ańsar Shákenov aıtqandaı, ári qaraı Ulttyq ulan sarbazdary 5512 bólimshesindegi qyzmet etýin jalǵastyrady.
"Qyzmet burynǵysynsha ótýde", - deıdi Ańsar Shákenov. - Árıne, karantındik is-sharalar saqtalýda: sarbazdarǵa antıseptıkter, betperdeler beriledi, al bólimsheniń ózi turaqty túrde zalalsyzdandyrylady.
Aıta keteıik, byltyr 5512 áskerı bólimshesine 30 jyl toldy. Oǵan Pavlodardaǵy qoǵamdyq tártipti saqtap, azamattardy qorǵaý mindeti júktelgen.
