"Biz Qytaı elshiligi taratqan aqparat shyǵa sala elshi myrza men jańadan taǵaıyndalǵan Densaýlyq saqtaý mınıstri arasyndaǵy telefon suhbatyn uıymdastyrdyq. Barlyq másele boıynsha tıisti aqparat, túsinikteme Qytaı tarapyna jetkizildi. Nátıjesinde elshilik ózi taratqan aqparatqa tıisti ózgeris engizdi", dedi Erjan Ashyqbaev.
Esterińizge salaıyq, budan buryn Qytaıdyń buqaralyq aqparat quraldary Qazaqstanda koronavırýstan da qaýipti pnevmonııa taraǵany týraly málimet taratty.
Osynyń izinshe elimizdiń Densaýlyq saqtaý mınıstrligi buǵan qatysty túsinikteme berdi. "Qytaıdyń keıbir buqaralyq aqparat quraldarynda Qazaqstanda koronavırýsqa qaraǵanda, ólim-jitimge anaǵurlym kóbirek alyp keletin belgisiz pnevmonııa anyqtalǵany týraly aqparat tarap jatyr.
Qazaqstan Respýblıkasynyń Densaýlyq saqtaý mınıstrligi atalǵan aqparat shyndyqqa janaspaıtynyn málimdeıdi", dep habarlaǵan bolatyn Densaýlyq mınıstrliginiń baspasóz qyzmeti.
