Taıaýda atalǵan kompanııa Jezqazǵan óńiri úshin ókpeni jasandy jedeldetý apparatynyń 14 danasyn satyp aldy. Aldaǵy ýaqytta taǵy 13-in jetkizý josparda bar eken. Budan bólek, kásiporyn 150 ottegi konsentratyn, 70 pýlsoksımetrlerdi jáne 2 rentgen-apparatty satyp alyp, olardy Jezqazǵan jáne Sátbaev qalalaryndaǵy aýrýhanalarǵa taratyp beripti.
Munyń bárin Jezqazǵan qalasynda oblys ákimi Jeńis Qasymbektiń qatysýymen bolǵan keńes otyrysy barysynda densaýlyq saqtaý basqarmasynyń basshysy Erjan Nurlybaev málimdedi.
Jasyratyny joq, Jezqazǵan óńirinde indet órship, ólim-jitim kóbeıip, jalpy epıdemıologııalyq jaǵdaı ýshyǵyp tur. Máselen, qazirgi ýaqytta koronavırýsqa qarsy kúreste dárigerlerdiń jetispeýshiligi anyq seziledi. Sol sebepti atalǵan jıynda Jezqazǵan óńiri úshin oblys oratalyǵynan dárigerler brıgadasyn jiberý máselesi áńgimege ózek boldy. Olardy ýaqytsha bolsa da úı-jaımen qamtamasyz etý jaıy da kún tártibine qoıyldy.
Jıynda oblys ákimi Jeńis Qasymbek osy túıtkildi máseleler túıinin tarqatýdyń amaldary men joldary týrasyndaǵy óziniń oı-pikirin bildirdi.
– Men búgin munda epıdemıologııalyq jaǵdaımen jeke tanysý úshin keldim. Keıbir kúrdeli problemalardyń bar ekenin jaqsy bilemin. Olardyń biri – medısınalyq kadrlardyń tapshylyǵy. Másele meniń jeke baqylaýymda. Dárigerlerdi izdeımiz. Sondaı-aq, dári-dármektiń jetispeýshiligine baılanysty turǵyndar tarapynan shaǵymdar da bar. Jalpy, oblys boıynsha medısınalyq preparattardy jetkizý bastaldy. Meniń mindetim – iri partııalardy qamtamasyz etý, al odan ári ákimder dári-dármekti dárihanalarǵa jedel jetkizý úshin qajet bolǵan jaǵdaıda tasymaldaýmen aınalysýy tıis, – dedi ol.
Búgingi kúnde Jezqazǵan qalasyna dene ystyǵyn basatyn jáne vırýsqa qarsy dári-dármektiń alǵashqy partııasy jetkizilipti. Biraq, turǵyndar ony pyshaq ústi bólisip alǵanǵa uqsaıdy. Qosymsha partııalar jetkizilmese, dári-dármek tapshylyǵynyń sol kúrdeli kúıinde qala beretin túri bar. Degenmen, taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Iýrıı Zalygın aldaǵy kúnderi bul olqylyqtyń orny tolatynyna sendirip otyr.
О́ńirde jaǵdaı osyndaı bolyp qalyptasqanda, alypsatarlar da aıylyn jımaı, las isterimen aınalysyp kelgen. Máselen, Jezqazǵan men Sátbaev qalalarynyń bes dárihanasynda dári-dármek baǵasynyń artýy jáne preparattardy resepsiz satý faktileri anyqtalǵan. Jıyn barasynda belgili bolǵandaı, qazirgi ýaqytta bulardyń isin jáne atalǵan saladaǵy basqa da bylyqtardy ekonomıkalyq tergeý departamenti qatań túrde qadaǵalaýǵa alypty.
Keńes otyrysynyń sońyna taman oblys ákimi koronavırýsqa qarsy kúres maıdanynda eren eńbegimen kózge túsken medısına qyzmetkerlerine memlekettik nagradalardy tabys etti.
Qazaqstan Respýblıkasy Prezıdentiniń Jarlyǵymen azamattardyń densaýlyǵyn saqtaý isindegi janqııarlyq eńbegi úshin Sátbaev qalasy boıynsha taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysy Gaýhar Jalmýrzına "Qurmet" ordenimen, Jezqazǵan qalasynyń "Medısınalyq ortalyǵy" JShS dırektory Vladımır Motorykın "Eren eńbegi úshin" medalimen marapattaldy.
Eske salar bolsaq, búgingi kúnde Jezqazǵan qalasynda 440 oryndyq tórt juqpaly aýrýlar stasıonary jumys istep tur. Ondaǵy júktelim shamamen 62% quraıdy. 350 tósektik bir pýlmoprovızorlyq gospıtal, sondaı-aq 90 orynǵa arnalǵan eki karantındik gospıtal jáne 15 reanımasııalyq tósek jáne bar. Sondaı-aq, qazirgi ýaqytta juqpaly aýrýlar aýrýhanasyna kúrdeli jóndeý jumystary júrgizilýde. Stasıonar osy jyldyń kúzine ashylady dep josparlanǵan.
