Ákim emhanalarda ambýlatorııalyq emdeýdi kúsheıtýdi, naýqastardy baqylaý barysynda telemedısına quraldaryn paıdalanýdy jáne tıisti deńgeıde jedel kómek kórsetýdi tapsyrdy. Sondaı-aq ambýlatorııalyq emdeýdi kúsheıtý qajettigin de atap ótti.
"Naýqastardyń 60%-dan astamy emhanalarǵa júginedi. Munda ambýlatorııalyq emdeýdi kúsheıtý óte mańyzdy. Aýrýdyń alǵashqy kezeńinde turǵyndarǵa barlyq qajetti medısınalyq kómek kórsetilýi kerek. Juqpaly aýrýlar stasıonary dárigerleri Covid-19-ben kúresýde aıtarlyqtaı tájirıbe jınady, dedi elorda ákimi Altaı Kólginov.
Qala basshysynyń aıtýynsha, olar telemedısınany paıdalana otyryp, keńes berip, emhanalardyń medısınalyq qyzmetkerlerimen tájirıbe almasatyn bolady. Karantın kezinde josparly emdeýge jatqyzý ýaqytsha toqtatyldy, munda naýqastarmen keri baılanysty kúsheıtý kerek. Qajet bolǵan jaǵdaıda emdeýge jatqyzǵan jón. Shuǵyl aýrýhanaǵa jatqyzylatyn jaǵdaıdy árbir dáriger baqylaýda ustaýy tıis. Úshinshiden, Densaýlyq saqtaý mınıstrligi men SQ «Farmasııa» birlesip, aýrýhanalar men emhanalardy qajetti medısınalyq jabdyqtarmen tolyqtyrý boıynsha jumystar júrgizemiz. Qamtamasyz etý máselesi baqylaýda bolady.
Altaı Kólginov: "Árbir naýqasqa sapaly medısınalyq kómek kórsetilýi, aýyr naýqasqa shaldyqqandar erekshe baqylaýda bolýy tıis . Ár naýqastyń ómiri úshin sońyna deıin kúresý qajet", deıdi qala ákimi.
