24 maýsymda emhananyń akýsherlik bólimshesinde vırýstyq pnevmonııa (80% zaqymdaný), ıntoksıkasııa sındromy jáne arterııalyq gıpertenzııa saldarynan tynys jetispeýshiligimen aýyr halde júkti áıel kelip tústi.
"Qabyldaý kezindegi áıeldiń júktilik merzimi 34 apta 6 kún bolǵan. Oǵan COVID-19-dyń aýyr túri, eki jaqty polesegmenttik pnevmonııa, sondaı-aq qalypty preeklampsııa dıagnozy (júkti áıelde joǵary qan qysymynyń bolýy) qoıylǵan bolatyn", deıdi aýrýhana qyzmetkerleri.
Dárigerler birden-bir durys sheshim qabyldap, kesarevo tiligin jasady. Salmaǵy 2,3 keli bolatyn shala týylǵan qyz bala dúnıege keldi. Náreste dereý reanımasııa bólimine aýystyrylyp, oǵan ıntensıvti baqylaý men emdeý júrgizildi. Sonymen birge dárigerler ana ómiri úshin kúresti.
Operasııadan keıin ol reanımasııa jáne ıntensıvti terapııa bólimine ornalastyrylyp, onda 12 kún jatty. Jeti kún boıy ol ókpeni jasandy jeldetý apparatymen tynys aldy.
Jaǵdaıy turaqtalǵannan keıin emdeý qarqyndy baqylaý palatasynda jalǵastyryldy. Dárigerler men medısına qyzmetkerleriniń kúsh-jigeriniń arqasynda jasalǵan emnen keıin ana men bala qanaǵattanarlyq jaǵdaıda úıge shyǵaryldy.
