Keshe Astana qalasynda aýsyl mal aýrýy boıynsha Dúnıejúzilik janýarlar saýlyǵy jónindegi uıymnyń Úılestirýshi ortalyǵyn qurýǵa arnalǵan baspasóz máslıhaty boldy.
Máslıhatta Aýyl sharýashylyǵy mınıstri Asyljan Mamytbekov atalǵan ortalyqtyń qyzmeti men maqsaty týraly áńgimeledi.
Keshe Astana qalasynda aýsyl mal aýrýy boıynsha Dúnıejúzilik janýarlar saýlyǵy jónindegi uıymnyń Úılestirýshi ortalyǵyn qurýǵa arnalǵan baspasóz máslıhaty boldy.
Máslıhatta Aýyl sharýashylyǵy mınıstri Asyljan Mamytbekov atalǵan ortalyqtyń qyzmeti men maqsaty týraly áńgimeledi.
Sondaı-aq, ortalyqtyń aımaqtyq ofısi nege Astanada ashylyp otyrǵany týraly da aıtty. «Halyqaralyq epızootıkalyq bıýronyń Ortalyq Azııadaǵy aımaqty baqylaý ofısiniń Astanada ashylǵany biz úshin óte mańyzdy. Sebebi, erteńgi kúni Dúnıejúzilik saýda uıymyna kirgeli otyrǵan Qazaqstanǵa et ónimin alys-jaqyn shetelderge eksporttaý kezinde atalǵan uıymnyń yqpaly bolady. Sonymen qatar, jaqyn kórshilerdegi týyndaǵan aýsyl aýrýlary týraly der kezinde aqparat alyp turamyz. Sondaı-aq, aýsyl aýrýyna qarsy sharalardy júrgizýge halyqaralyq uıymdardyń qarjysyn tartýǵa da múmkindik týady. О́ıtkeni, 1924 jyly qurylǵan uıymnyń halyqaralyq qaýymdastyqta bedeli zor. Búgingi tańda uıymǵa 178 memleket múshe. Al bıýronyń Ortalyq Azııa aımaǵy boıynsha baqylaý júrgizetin ofısiniń Astana qalasynda ashylýyn kórshi týystas elder qoldap otyr. Osynyń aldynda ǵana Qyrǵyz jáne Tájik elderiniń ókilderi bizde bolyp, ıgi istiń erterek júzege asýyn asyǵa kútip júrgenderin jetkizdi. Sebebi, olar da alys shetelderge ózderiniń et ónimin saýdaǵa shyǵarýdy qalaıdy», dedi A.Mamytbekov.
Aýyl sharýashylyǵy vıse-mınıstri G.Isaeva ofıstiń qaıda, qalaı qurylatyny týraly áńgimeledi. Buıyrtsa, ofıs jyl sońyna deıin qurylyp, iske qosylady eken. Biraq oǵan basshylyq jasaıtyn adamdy tańdaý Halyqaralyq epızootıkalyq ortalyǵy bas dırektorynyń quzyrynda eken. Ortalyqtyń bas dırektory Bernard Valla elimizdiń Aýyl sharýashylyǵy mınıstri men onyń salaǵa jaýapty mamandaryna rıza kóńilin bildirdi. Sebebi, uıymǵa múshelikke ótý sharasyn budan 3-4 jyl buryn bastaǵan mınıstrlik, osy ýaqyt aralyǵynda tııanaqty jumys tyndyrǵan. Halyqaralyq talaptarǵa saı is júrgizip, nátıjesinde ortalyqtyń aımaqtyq ofısin Astanada ashýǵa muryndyq bolǵan. Sóıtip, búginniń ózinde qyzmet orny belgilengen ofıs joǵary deńgeıde jabdyqtalǵanyn aıtty.
Baspasóz máslıhatyna deıin Aýyl sharýashylyǵy mınıstri A. Mamytbekov Halyqaralyq epızootıkalyq bıýrosynyń bas dırektory doktor B.Vallamen Astana qalasynda aýsyl boıynsha Dúnıejúzilik janýarlar saýlyǵy jónindegi uıymnyń Úılestirýshi ortalyǵyn qurý jónindegi kelisimge qol qoıǵan. B. Valla Úılestirýshi ortalyqtyń tańdalǵan ornynyń kezdeısoq emes ekendigine toqtaldy. Sóıtip, Qazaqstan janýarlardyń asa qaýipti aýrýlarymen nátıjeli kúres júrgizip keledi, dep oń baǵa berdi. HEB Úılestirýshi ortalyǵyn qurýdyń maqsaty – Ortalyq Azııa elderinde jáne oǵan shekaralas aýdandardaǵy aýsyldy baqylaýdy kúsheıtý úshin aımaqtaǵy quzyrly veterınarlyq qyzmet áreketterin úılestirý. Atap aıtqanda, bul elderge epızootıkalyq ahýaldardy baqylaýdaǵy veterınarııalyq júıelerdiń halyqaralyq standarttaryn engizý boıynsha naqty jumystar júzege asyrylady.
Munymen birge, aımaqtaǵy veterınarlyq qyzmet Halyqaralyq epızootıkalyq bıýro ókilderimen birigip, aýsylǵa qarsy kúres boıynsha biryńǵaı strategııa men amaldardy júzege asyrady. Bul ıgi sharalar osy óńirlerdegi atalǵan indetterdi juqtyrýdyń qaýip-qaterin de edáýir tómendetedi.
Nurbaı ELMURATOV,
«Egemen Qazaqstan».
