Al, oblystyq jedel járdem qyzmeti stansasy dırektorynyń mindetin atqarýshy Nargız Baımoldaevanyń málim etýinshe, qaýipti indet tirkelgennen beri jedel járdemdi shaqyrýshylar kóbeıipti. Buryn táýligine 700-800 shaqyrtý tirkeletin bolsa, qazir onyń sany 1300-ge deıin artypty.
"Al, COVID-taksı qyzmeti osy júktemeni azaıtýǵa yqpal etýde. Bul tolyqqandy brıgadamen teń dárejede medısınalyq qyzmet kórsete alady. COVID-taksı koronavırýs, pnevmonııaǵa shaldyqqandarmen birge, qyzýy kóterilip turǵan naýqastardyń da shaqyrtýyna barady. Eger koronavırýsqa shaldyqqan naýqas dárigerdiń qabyldaýynan shyǵyp, úıine jete almaı turǵan jaǵdaılarda osy qyzmetti paıdalana alady. COVID-taksı-diń brıgadasy júrgizýshi men feldsherden turady. О́kinishke oraı, bizdiń de qyzmetkerlerimizdiń arasynda naýqastanyp jatqandar bar. Qazirgi ýaqytta qolda bar múmkindikti barynsha tıimdi paıdalanýǵa tyrysyp otyrmyz", - deıdi Atyraý oblystyq jedel járdem qyzmeti stansasy dırektorynyń mindetin atqarýshy Nargız Baımoldaeva.
Elimizde alǵash ret Atyraý iske qosylǵan jańa qyzmettiń júrgizýshileri de alǵashqy medısınalyq kómek kórsete alady. Olar bazalyq reanımasııalyq kómek kórsetý baǵytynda kýrstan ótipti. Pnevmonııa men koronavırýsqa shaldyqqan naýqastar bul qyzmetti dári-dármek tasymaly úshin de paıdalana alady.
