Memleket basshysy Nursultan Nazarbaev «Báıterek» ulttyq basqarýshy holdıngi» AQ basqarma tóraǵasy Qýandyq Bıshimbaevty qabyldady, dep habarlady Prezıdenttiń baspasóz qyzmeti.
Kezdesýde Q.Bıshimbaev damý ınstıtýttarynyń qarjylyq jaǵdaıynyń dıagnostıkasy nátıjeleri men holdıng strategııasy týraly baıandap berdi.
Memleket basshysy Nursultan Nazarbaev «Báıterek» ulttyq basqarýshy holdıngi» AQ basqarma tóraǵasy Qýandyq Bıshimbaevty qabyldady, dep habarlady Prezıdenttiń baspasóz qyzmeti.
Kezdesýde Q.Bıshimbaev damý ınstıtýttarynyń qarjylyq jaǵdaıynyń dıagnostıkasy nátıjeleri men holdıng strategııasy týraly baıandap berdi.
Nursultan Nazarbaev holdıng aldynda elimizdiń damý ınstıtýttarynyń qyzmetin retteý jáne júıelendirý, sondaı-aq olar tarapynan bólinetin qarajatty tıimdi paıdalanýdy qamtamasyz etý mindeti turǵanyn atap ótti.
Q.Bıshimbaev dıagnostıka damý ınstıtýttary qyzmetiniń eleýli áleýeti bar ekenin kórsetkenin aıtty. «Báıterek» holdıngin qurý memleketke qarjy resýrstaryn basqarýdaǵy sınergııa esebinen jyl saıyn 15 mıllıardqa jýyq teńge únemdeýge múmkindik beredi. Buǵan qosa, holdıngtiń enshiles uıymdarynyń ishki rezervteri elimizdiń ekonomıkasyna 4 mıllıard dollar kóleminde qosymsha qarajat salýdy qamtamasyz etýge qabiletti.
Memleket basshysy holdıng basqarmasynyń tóraǵasyna shaǵyn jáne orta bıznesti qoldaýǵa, jańa tehnologııalar men ınnovasııalardy damytýǵa, ınvestısııa tartýǵa, sondaı-aq damý ınstıtýttary qyzmetiniń ashyqtyǵy men tıimdiligin arttyrýǵa erekshe nazar aýdarýdy tapsyrdy. «Qazaqstannyń Turǵyn úı-jınaq banki» AQ-ynda tártip ornatý, bank basshylarynyń «Qoljetimdi baspana» memlekettik baǵdarlamasy boıynsha alǵan páterlerdi qaıtarýyn qamtamasyz etý jáne olardy baspanany qajet etetinder arasynda qaıta bólý týraly arnaıy bólek tapsyrma berildi.
