Túrkistan oblysy Polısııa departamentiniń qyzmetkerleri jol-kólik apattarynyń aldyn alý men jolda júrý erejelerin óreskel buzýshylardy anyqtaý maqsatynda turaqty túrde reıdtik is-sharalardy ótkizip turady.
Túrkistan oblysyna qarasty Túrkistan qalasynyń polıseıleri osyndaı kezekti reıdtik is-sharalar barysynda túngi ýaqytta qala kóshelerin patrýldep kele jatyp, kúdik týǵyzǵan “Mercedes “ markaly avtokólikti toqtatady.
Avtokólik ıesiniń qujattaryn teksere kele júrgizýshiniń mas halde jáne qujatsyz ekendigin anyqtaıdy. Belgili bolǵandaı júrgizýshi 2019 jyldyń qazan aıynda Túrkistan qalasynyń mamandandyrylǵan ákimshilik sotymen QR ÁQBtK–niń 608-baby boıynsha kináli dep tanylyp, úsh jyl merzimge kólik basqarý quqyǵynan aıyrylǵan.
Ol sol kezdegi áreketinen sabaq almaı, júrgizilgen medısınalyq zertteýdiń qorytyndysyna sáıkes taǵy da mas halde kólik basqarǵany anyqtalyp, ekinshi ret qaıtalap otyr.
Atalǵan jaıt sotqa deıingi tergep-tekserýdiń biryńǵaı tizilimine engizilip, QR QK-niń 346-baby “Kólik quraldaryn basqarý quqyǵynan aıyrylǵan, alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn osyndaı adamnyń basqarýyna berý nemese kólik quralyn osyndaı adamnyń basqarýyna jol berý“ boıynsha tirkeldi.
Sottyń qaýlysyna sáıkes atalǵan júgensiz júrgizýshige eki aı merzimge deıin kúzetpen ustaý túrindegi bultartpaý sharasy qoldanyldy. Osyndaı kezekti jumys kúniniń birinde, saǵat 20:50 shamasynda patrýldik polısııa rotasynyń polıseıi Nurhan Myrzahmetov pen jyldam qımyldaıtyn arnaıy jasaq ınspektory Erbolat Alııakbar qyzmet atqarý barysynda Túrkistan qalasynyń ortalyq kósheleriniń birinde “VAZ” avtokóligin toqtatady.
Tekserý barysynda júrgizýshi 2020 jyldyń sáýir aıynda Túrkistan qalalyq sotynyń úkimimen eki jyl merzimge kólik basqarý quqyǵynan aıyrylǵany belgili boldy. Odan bólek, medısınalyq saraptamaǵa sáıkes, júrgizýshi kólikti mas halde kólik basqarǵany anyqtaldy.
Quqyq buzǵan júrgizýshi Túrkistan QPB-ne jetkizildi. Sottyń qaýlysyna sáıkes mas halde kólik tizgendegen turǵyn eki aı merzimge qamaýǵa alyndy. Qazirgi tańda atalǵan jaıt QR QK-niń 346-babymen “Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol berý“ boıynsha tirkelip, sotqa deıingi tergeý amaldary júrgizilip jatyr.
Negizinde jol-kólik oqıǵalary kóbine osylaı rólge mas kúıde otyrý saldarynan bolady. Sondyqtan ishimdik iship kólik tizgindemeńiz. Bul óz ómirińizben qatar, ózgenińde ómirine qaýipti bolmaq.
