Oral Baıǵonysuly MUHAMEDJANOV

2013 jylǵy 15 qazanda kórnekti memleket jáne qoǵam qaıratkeri, III-V saılanǵan Qazaqstan Respýblıkasy Parlamenti Májilisiniń depýtaty Oral Baıǵonysuly Muhamedjanov 65 jasqa qaraǵan shaǵynda uzaqqa sozylǵan aýyr naýqastan qaıtys boldy.

Oral Baıǵonysuly Muhamedjanov 1948 jylǵy 11 qarashada Qostanaı qalasynda týǵan. 1971 jyly Novosibir keńestik kooperatıvtik saýda ınstıtýtyn bitirgen. Eńbek jolyn Qostanaı oblystyq tutynýshylar odaǵynda bastaǵan. 1974-1991 jyldary Qostanaı jáne Torǵaı oblystarynda komsomol, partııa organdarynda qyzmet atqardy. 1991 – 1994 jyldary halyq depýtattary Torǵaı oblystyq keńesi apparatynyń basshysy, Torǵaı oblysynyń Amangeldi aýdandyq ákimshiliginiń basshysy boldy.

1994 jyly HIII saılanǵan Qazaqstan Respýblıkasy Joǵarǵy Keńesiniń depýtaty bolyp saılandy, Joǵarǵy Keńestiń Ekonomıkalyq reforma komıteti tóraǵasynyń orynbasary boldy. 1995 – 2004 jyldary Qazaqstan Respýblıkasy Úkimeti Apparatynyń Áleýmettik-mádenı damý bóliminiń meńgerýshisi, Qazaqstan Respýblıkasy Prezıdenti Ákimshiliginiń memlekettik ınspek­tory, Uıymdastyrý-baqylaý bólimi meńgerýshisiniń orynbasary, meńgerýshisi bolyp jumys istedi.

2013 jylǵy 15 qazanda kórnekti memleket jáne qoǵam qaıratkeri, III-V saılanǵan Qazaqstan Respýblıkasy Parlamenti Májilisiniń depýtaty Oral Baıǵonysuly Muhamedjanov 65 jasqa qaraǵan shaǵynda uzaqqa sozylǵan aýyr naýqastan qaıtys boldy.

Oral Baıǵonysuly Muhamedjanov 1948 jylǵy 11 qarashada Qostanaı qalasynda týǵan. 1971 jyly Novosibir keńestik kooperatıvtik saýda ınstıtýtyn bitirgen. Eńbek jolyn Qostanaı oblystyq tutynýshylar odaǵynda bastaǵan. 1974-1991 jyldary Qostanaı jáne Torǵaı oblystarynda komsomol, partııa organdarynda qyzmet atqardy. 1991 – 1994 jyldary halyq depýtattary Torǵaı oblystyq keńesi apparatynyń basshysy, Torǵaı oblysynyń Amangeldi aýdandyq ákimshiliginiń basshysy boldy.

1994 jyly HIII saılanǵan Qazaqstan Respýblıkasy Joǵarǵy Keńesiniń depýtaty bolyp saılandy, Joǵarǵy Keńestiń Ekonomıkalyq reforma komıteti tóraǵasynyń orynbasary boldy. 1995 – 2004 jyldary Qazaqstan Respýblıkasy Úkimeti Apparatynyń Áleýmettik-mádenı damý bóliminiń meńgerýshisi, Qazaqstan Respýblıkasy Prezıdenti Ákimshiliginiń memlekettik ınspek­tory, Uıymdastyrý-baqylaý bólimi meńgerýshisiniń orynbasary, meńgerýshisi bolyp jumys istedi.

Oral Baıǵonysuly óziniń uıymdastyrýshylyq qabiletiniń, joǵary biliktiligi men adamgershilik qasıetiniń arqasynda qoǵamda úlken bedelge, zor abyroıǵa ıe boldy. Ol árdaıym táýelsiz Qazaqstannyń irgesin qalaý jolynda azamattyq paryzyna adal qarap, qoǵamda reformalardy júzege asyrýǵa, turaqtylyq pen kelisimniń ornyǵýyna zor úles qosty.

Onyń bul qasıetteri úshinshi, tórtinshi saılanǵan Qazaqstan Respýblıkasy Parlamenti Májilisiniń Tóraǵasy bolyp qyzmet etken kezinde erekshe jarqyrap kórindi. Parlament Májilisine basshylyq jasaı otyryp, Oral Baıǵonysuly Muhamedjanov Elbasynyń strategııalyq baǵytyn zańnamalyq turǵydan qamtamasyz etýde aıanbaı eńbek etti. Onyń eńbegi memleket tarapynan joǵary baǵalanyp, «Qurmet», «Parasat» ordenderimen jáne birqatar medaldarmen marapattaldy.

Oral Baıǵonysuly Muhamedjanov búkil kúsh-jigerin, bilimi men tájirıbesin týǵan elimiz ben halqymyzdyń ıgiligine jumsaǵan Qazaqstannyń shynaıy otansúıgish perzenti bola bildi. Ol óziniń mol tájirıbesimen, darynymen jáne kásibı sheberligimen, aıqyn maqsatymen, ádildigimen ári qarapaıymdylyǵymen erekshelenip turatyn jan edi.

Oral Baıǵonysuly Muhamedjanovtyń jarqyn beınesi bizdiń júregimizde árdaıym saqtalady.

Qazaqstan Respýblıkasy Parlamentiniń Májilisi.

Aýyr qaza

Shirkin, dúnıe-aı! Ortamyzdan halqymyzdyń qabyrǵaly azamaty Oral Baıǵonysuly Muhamedjanov fánıden baqıǵa attanyp otyr. Qasıetti Torǵaı týyp-ósken óńiri bolsa, Saryarqa tósinde ómiriniń sońy­na deıin halqyna aıanbaı eńbek etken el perzenti edi. Keńes zamanyn­da aýdannyń kórnekti basshysy, egemendik tusynda Elbasynyń se­nim­di sardary retinde jańa memleket, qoǵam qurýǵa belsene aralasqan qaı­­ratker edi. Eki márte Parlament Má­­jilisiniń Tóraǵasy bolyp saılandy. Isker, sheber, halqyna jany ashıtyn de­pýtat, basshy ekenin kórdik. Adal eń­begi úshin halyq ony qurmettedi. Ba­­rynsha aqkóńil, ashyq, seriligi men oı sergektigi, parasaty men paıymy mol azamat edi. Dos boldyq, aǵa-ini­deı bolyp aralastyq, syılastyq. Son­dyqtan da men úshin bul – aýyr qaza.

Qosh, qosh bol, ardaqty Oralym! Jatqan jeriń jaıly, ımanyń joldas bolsyn. Seniń ornyń tarıhta, esimiń árqashanda bizben birge.

Akademık Kenjeǵalı SAǴADIEV.

Jany jaısań azamat bolatyn

Bul fánıde temir ózekti pende joq. О́lmes adam elde joq. О́limnen óter ótkel de joq. Biraq tórge shyqsa tóbedeı, tóbege shyqsa tóredeı, jaqyn men alysty birdeı teń kórgen, eliniń jigeri, qoǵamnyń tiregi bola bilgen Oral Muhamedjanovty ólimge qııý da, endi aramyzda joq degenge sený de qıynnyń qıyny.

Orekeń jaıly aıtý maǵan ońaı emes. Týra kózdep kelgen qapyl qaza jany jaısań, aqyly baıtaq altyn dosymnan kóz jazdyryp ketti. Qaı qyzmette júrse de dosqa adal, aq kóńilimen aınalasyna shýaq shashyp turatyn zamandasymnyń maǵan árbir is-áreketinde úlken bir syr jatqandaı, tereńdik bardaı bolyp kórinetin. О́miriniń qaı kezeńinde bolmasyn ol osaldyq tanytqan joq. Únemi alǵa umtylyp, eli­ne, halqyna adal qyzmet ete bildi dep oılaımyn.

Orekeń parasatty, jany sulý adam edi. Úlkenge de, kishige de iltıpatpen qaraıtyn, kem­shilikke tózbeıtin. Laýazymy qandaı dáre­jede bolsa da, adamnyń qateligin búkpesiz betine aıtatyn. Eńbek jolyn qarapaıym ekonomıstikten bastaǵan ol memlekettik qyzmettiń barlyq satysynda qyzmet atqardy. Menimen birge Qazaqstan Respýblıkasy Prezıdenti Ákimshiligi apparatynda, odan keıin III-IV-V saılanǵan Qazaqstan Respýblıkasy Parlamenti Májilisinde depýtat bolyp saılanyp, Májilistiń Tóraǵasy qyzmetterin abyroımen atqardy. Elbasy N.Á.Nazarbaevtyń senimdi kómekshileriniń biri retinde qıyn kezeńderde qasynan tabyla bildi dep oılaımyn.

Adam – bul dúnıeniń qonaǵy. Mundaıda sabyrǵa qaırat qosatyn, qaınaǵan kúıikti basatyn jubatý aıtý qıyn. Alla adal dosymdy aldynan jarylqap, onyń ımanyn ózine serik etsin. Artynda qalǵan urpaqtaryna Jaratqan Iem jar bolyp, uzaq ǵumyr syılasyn, otbasyna jaqsylyqty jaqyn etsin demekpin.

Ámzebek JOLShYBEKOV,

memleket jáne qoǵam qaıratkeri.

Qazaqtyń ózindeı darqan edi

Qazaq halqy abzal azamaty­nan, táýelsiz elimizdiń qalypta­sýyna eleýli úles qosqan qaı­rat­kerinen aıyryldy. Týǵan ultynyń, keń dalasynyń, Alash dúnıesiniń barlyq izgi qasıetterin boıyna sińirgen Orekeń, Oral Baıǵonysuly endi aramyzda joq. Qazaqtyń asyldary Ahmet Baıtursynov pen Mirjaqyp Dýlatovty bergen kıeli topyraqta kindigi kesilgen ardaqty azamat sol zańǵarlar salǵan joldy tańdamaı tura almas edi. Atqa erte qondy, el basqardy, otarlaýdyń zardabyn molynan tartqan Torǵaı óńiriniń ekonomıkasyn damytýǵa, ulttyq rýhyn jańǵyrtýǵa baryn saldy. Júregi elim dep soqty, jerim dep eljiredi. Osynaý qasıetin, sabyrly ultjandylyǵyn Qazaqstan Res­pýblıkasynyń Parlamentin basqarǵan kezderde de tanyta aldy. Májilis Tóraǵasy retinde mádenıet pen óner, til men din týraly zańdardyń ult­qa qyzmet etýin aıryqsha qada­ǵa­lady. Oral Baıǵonysulynyń tikeleı uıymdastyrýymen Parlament Má­­jilisinde alǵash ret qazaq tili týra­ly respýblıkalyq ǵylymı-prak­tıkalyq konferensııa ótti. Ana tili ardaqtaldy, onyń damý joldary naq­ty kórsetilip, el Úkimetine júk­teldi.

Orekeńniń aldy ashyq edi, keńpeıil bolatyn. Qyzmet bólme­sine kez kelgen ýaqytta bara be­retinbiz. Áńgimeni ázilden bastap, tereńdetip áketetin. Tarıh­­tan, án ónerinen, ádebıetten sóz qoz­ǵaýdy unatatyn. Torǵaı, Qos­ta­naı, Ortalyq Qazaq­stannyń ótke­nin, tarıhı tulǵalardy jetik biletin.

Oral Baıǵonysuly adaldyǵy men ımandylyǵyna daq saldyrmaı, jurt kóńilin qaldyrmaı, pendeshilikke aldyrmaı ótti. Jaqsy kórýshi edik, duǵamyzdan qaldyrmaspyz. Qur­met­teýshi edik, rýhyn qadirleýmen bolarmyz. Úlgi etýshi edik, qaırat­kerligin baǵalaı túsermiz.

Baqul bol, qaıran Oreke! Janyń jánnatta nurlansyn!

Aldan SMAIYL,

Parlament Májilisiniń depýtaty.

Elbasynyń senimdi seriktesteriniń biregeıi

El-jurttyń amanatyn arqalap, perzenttik boryshyn úlken jaýap­kershilikpen atqaryp, úlkenge syıly ini, kishige abzal aǵa atanyp, El­ba­synyń senimdi seriktesteriniń bire­­geıi bola bilgen Oral Baıǵo­nys­uly­­nyń ómirden ótýi – úlken qaıǵyly jaǵ­daı.

Orekeń elimizge ǵana emes, tórtkúl dúnıege tanylyp kele jatqan belgili memleket jáne qoǵam qaıratkeri edi. Men Orekeńmen tanysqanyma 30 jyldan asypty. О́tken ǵasyrdyń 80-jyldarynda Torǵaı oblysynda jas maman retinde qyzmetimdi bastaǵan kezimde Oral Baıǵonysuly buǵanasy qataıǵan, ońy men solyn baıyptap, artynan el-jurtyn erte alatyn basshy edi. Odan keıingi kezeńde Orekeń Torǵaı oblysynyń Amangeldi aýda­nynda basshylyq qyzmette júr­gen­de men aýdandyq sottyń tór­aǵasy bolyp taǵaıyndaldym. Kór­shi tur­dyq, adamı zor qurmetpen ara­­­las­tyq, keıin de aralasyp júrdik.

Tabıǵatynan keń jaratylǵan Ore­keń barlyq jaǵynan da talantty edi. Úshinshi jáne tórtinshi sha­qy­ry­lymdaǵy Májilistegi Tór­aǵa­lyq qyz­meti el úshin óte qajetti zań­na­­malyq sheshimder qabyldaıtyn ke­zeńge sáıkes keldi. Solardyń ishin­de dúnıejúzilik qarjylyq daǵ­darystyń der kezinde aldyn alý maqsatynda ulttyq zańnamany je­tildirý jolyndaǵy Elbasynyń tapsyrmalaryn áriptesterimen birige oty­ryp, abyroımen atqaryp shyqqan zor eńbegin erekshe ataǵan jón dep esepteımin.

Árıne, Orekeń jaıynda áli de talaı estelikter men pikirler aıtylar. Al búgingi qaraly kúnde marqum­­nyń otbasyna kóńil aıta otyryp, qaı­ǵylaryna ortaq eke­nimdi, talantty aǵamyzdyń jarqyn beınesi árdaıym esimizde júretinin jetkizgim keledi.

Ramazan SÁRPEKOV,

Parlament Májilisiniń depýtaty.

Sońǵy demine deıin Otanyna qyzmet etti

Oral Baıǵonysulymen 1996 jyldan bastap Prezıdent Ákimshiliginiń Uıymdastyrý-baqylaý jumysy bóli­­minde on jylǵa jýyq qyzmettes boldyq.

Orekeń qyzmette óziniń aıryq­sha minezimen, ushqyr oıymen erek­shelenip, elimizdiń damýyna jáne órkendeýine ólsheýsiz úles qosty.

Keıin, 2007 jyldyń kúzinen beri Qazaqstan Respýblıkasy Parlamenti Májilisinde zańshyǵarýshylyq salada da áriptes boldyq. Ol Máji­lis­tiń Tóraǵasy bolǵan jyldary eli­mizdiń zańshyǵarýshylyq óndi­ri­sinde halyqqa qajetti óte ma­ńyz­dy zańnamalar qabyldandy. Mem­le­ket basshysynyń tapsyrmalaryn basshylyqqa ala otyryp, árbir zań­nyń asa yjdaǵattylyqpen jasalýy­na qatty kóńil bóletin. Árbir árip­tesin syılaı otyryp, óz talabyn oryndata biletin basshy edi. Onyń adamgershiligi aralasqannyń kóńi­li­nen, erekshe daryny men kókke ór­le­­gen ásem daýysy estigenniń esinen ketpes.

«Aqqý qusqa oq tıse, qanatyn sýǵa tı­gizbes, Aqsúıekke oq tıse, kórshisine sezdirmes...» degen sózder osy Oral ba­ýy­­ryma qatysty aıtylǵan sııaqty. О́zi­niń sońǵy demi taýsylǵansha syr bildir­meı, Otany men halqyna qyzmet etýmen boldy.

Qamshynyń sabyndaı qysqa ǵu­myrda memleketke adal eńbek etip, sońyndaǵy urpaqqa jemisin qaldyrǵan darabozdardyń biri edi. Sondaı azamattarymyzdan mezgilsiz aıyrylyp qalamyz degen kimniń oıynda boldy.

Dosym Oraldyń mezgilsiz qaıtys bolýyna oraı ul-qyzdary men aǵaıyn- týystaryna qaıǵyryp kóńil aıtamyn.

Oral Baıǵonysulynyń ıma­­­ny salamatty bolsyn, artynda qalǵan­dar­ǵa ómir bersin! Onyń jar­qyn beıne­si árqashan esimizde saq­talady.

Úsengeldi MEDEÝOV,

Parlament Májilisiniń depýtaty.