"Bıylǵy 15 maýsymda "Atyraý oblysynyń týrıstik logotıpin jasaý" jónindegi memlekettik satyp alý boıynsha ashyq konkýrs jarııalandy. Konkýrstyń birinshi kezeńinde qatysýshy bolmady. "Memlekettik satyp alý" Zańyna sáıkes 14 shildede ekinshi ret ashyq konkýrs tásilimen jarııalandy. Bul konkýrs boıynsha óńirdiń týrıstik logotıpi elektrondy túrde jasaqtalýy tıis edi. Onlaın rejıminde júrgiziletin suranystan soń, logotıp tańdalyp, saraptamalyq komıssııa qaraýyna usynylatyny josparlandy" -dep habarlady óńirlik kommýnıkasııalar qyzmeti.
Degenmen, oblystyq kásipkerlik jáne ındýstrııalyq-ınnovasııalyq damý basqarmasy bul konkýrsty ótkizýden bas tartty. Muny óńirdegi epıdemıologııalyq ahýaldyń kúrdelenýimen baılanystyryp otyr. Endi týrıstik logotıpti jasaýǵa bólingen 3,7 mln bıýdjetke qaıtarylatyn boldy.
