*Qaz-qalpynda
Bıylǵy Qurban aıtty táýelsiz elimiz, meshitterimiz úlken ıgi is-sharalarmen, eń bastysy, ulttyq naqyshpen ótkizdi. Ulttyq sport túrlerinen (arqan tartys, balýandar kúresi, gir tasyn kóterý, kókpar, t.b.) jarys uıymdastyryldy. Bas múftı Erjan qajy Malǵajyuly muryndyq bolǵan qaıyrymdylyq aksııalary basqa da ulttardy tańǵaldyrsa kerek. О́zge emes, eldiń óz aýzynan estip-bilgenderimizdiń bir parasyna toqtalaıyq.
*Qaz-qalpynda
Bıylǵy Qurban aıtty táýelsiz elimiz, meshitterimiz úlken ıgi is-sharalarmen, eń bastysy, ulttyq naqyshpen ótkizdi. Ulttyq sport túrlerinen (arqan tartys, balýandar kúresi, gir tasyn kóterý, kókpar, t.b.) jarys uıymdastyryldy. Bas múftı Erjan qajy Malǵajyuly muryndyq bolǵan qaıyrymdylyq aksııalary basqa da ulttardy tańǵaldyrsa kerek. О́zge emes, eldiń óz aýzynan estip-bilgenderimizdiń bir parasyna toqtalaıyq.
«Mektepke emes, meshitke bara bereıinshi...»
Almaty qalasyndaǵy «Orbıta» meshiti 100-ge jýyq 3 jastan joǵary búldirshinderge syılyq úlestirdi. Merekelik sharada balalar jattaǵan óleńderin aıtyp, ustazdyń suraqtaryna tańdaılary taqyldap jaýap bergen. Bala tili – bal emes pe? Túrli-túrli syılyqtyń astynda «kómilgen» bir kishkentaı qyz: «Anashym, men endigi jyly mektepke emes, meshitke bara bereıinshi. Munda kúshti-i-i-i-i eken. Taqpaq aıtqan soń syılyq beredi, taǵy aıtsań, taǵy syılyq beredi, bere beredi», – dese kerek. Anasy ne derin bilmeı, tosylyp qalǵan kórinedi.
«Qudalyq kólikte ketip bara jatqandaımyz...»
Almatynyń túbinde Alǵabas deıtin úlken aýyl bar. Qazaqtar kóp qonys tepken. Qurban aıttyń birinshi kúni. Avtobýstardyń ishine shar ilingen, merekelik áshekeıler, ulttyq zattarmen naqyshtalǵan. Qurban aıttyń qurmetine jolaqysy – 0 teńge. Bul bastama jaıly jolaýshylardyń pikirin bilgen jigitke: «Myna qadamdaryń qatty áser etedi eken. Quddy qudalyqqa bara jatqandaımyz. Jan-jaǵyńda neshe túrli sharlar. Shynymen de búgin toıǵa bara jatqandaı sezimde otyrmyz. Bul oqıǵa Qurban aıttyń musylmandardyń naǵyz merekesi ekenin sezindiredi», – dep jaýap beripti.
«Kúnde Qurban aıt bolsa ǵoı, shirkin!»
Almaty qalasynyń Ortalyq meshiti Alla úıiniń aýlasyna jetim balalarǵa arnap oıyn ortalyǵyn ashty. Sahnalyq kórinister qoıyldy. 200-ge jýyq búldirshinge syılyq taratyldy, balmuzdaq berildi, arnaıy dastarqan jaıyldy. Qýanyshy qoınyna syımaǵan, kózderi jáýdiregen bir jetim bala: «Kúnde Qurban aıt bolsa ǵoı, shirkin», – dep, sezimin bildirip qoıypty. «Jerde jetim jylasa, kókte perishte kúńirenedi», – degen sóz bar. Jetimge qýanysh syılaýdan artyq saýap bar ma? Jetimderimiz jylamasyn. Jylatpaıyq. Qurban aıtqa aman-esendikte jete bereıik.
Aǵabek QONARBAIULY,
QMDB baspasóz hatshysy.
