Bul kúni boıy maska sheshpeı jumys isteıtinderge, ıaǵnı dárigerlerge aýadaı qajet dúnıe bolyp tur. Resmı tanystyrylymy bolmasa da osyndaı maskanyń 2000 danasy Seýl qalasyndaǵy Severans aýrýhanasyna syıǵa tartylǵan.
Aýa tazartatyn PuriCare LG prınsıpimen jumys isteıtin qurylǵyda H13 dep atalatyn aýystyrýǵa bolatyn eki HEPA-fıltr syrttan vırýsty ótkizbeıdi. Fıltr astynda aýa aǵynyn rettep turatyn jeldetkish ornalasqan. Arnaıy algorıtm boıynsha adam ishke dem alǵan kezde syrttan aýa kóbirek kiredi. Maskada dem alyp jáne shyǵarǵan kezdegi qysymdy datchık ólshep, sol arqyly ishke dem alǵanda jeldetkish qosylyp, dem shyqqanda ol toqtaıdy.
Maska plastıkten jasalǵanmen, ishki jaǵy jumsaq sılıkonmen qaptalǵan. Bul ony tańnan keshke deıin taǵyp júrgende jaıly bolý úshin jasalǵan. Qurylǵynyń salmaǵy bar bolǵany 120 gramm. Jeldetkish 8 saǵatqa jetetin akkýmýlıator arqyly jumys isteıdi. Qurylǵydaǵy eki fıltrdi tek bir aıdan soń ǵana aýystyrý qajet bolady.
