Baspasóz qyzmetiniń aqparatyna súıensek, jumys toby dári-dármekti shekti baǵadan asyra satqan 30 derekti anyqtap otyr. Osyndaı zańsyzdyqqa jol bergen segiz dárihananyń árqaısysy 361 140 teńge kóleminde aıyppul salyndy.
"Sonymen qatar, prokýratýranyń úılestirýimen quqyq qorǵaý organdary dárilik zattar men medısınalyq buıymdardyń zańsyz aınalymyna qatysty alty derekti anyqtady. Onyń ishinde dári-dármekti joǵary baǵamen úıden zańsyz jáne tıisti tirkeýsiz satý bar. Tekserý kezinde zańsyz aınalymnan 7 500 dárilik preparat, 180 000 medısınalyq betperde alyndy", - dep habarlady oblystyq prokýratýranyń baspasóz qyzmeti.
Zańsyz aınalymnan alynǵan dári-dármekter men buıymdar densaýlyq saqtaý basqarmasyna berildi.
