Oblys ortalyǵynda turatyn 171 919 turǵynǵa tirshilik nári Biresek-Hantaǵy jáne Myrǵalymsaı sý kózderinen magıstraldy sý qubyry arqyly jetkiziledi. Uzyndyǵy – 37,2 shaqyrym sýaqqynyń jalpy qýattylyǵy – táýligine 40 myń tekshe metr.
Qurylysy jańadan salynyp jatqan ákimshilik-iskerlik jáne mádenı-rýhanı ortalyǵyndaǵy nysandardy úzdiksiz sapaly aýyzsýmen qamtamasyz etý úshin, oblysy ákimdigi tıisti mınıstrliktermen birlese Jol kartasyn ázirlegen. Joba boıynsha qashyqtyǵy 45,9 shaqyrym magıstraldy sýaqqynyń qurylysyn salý josparlanǵan. Qazirgi tańda onyń 15,1 shaqyrymy aıaqtaldy. Sondaı-aq, Kentaý qalasynan Túrkistan qalasynyń rezervýaryna deıin magıstraldyq sý tarqysh salý jobasy iske asýda. Oblys bıýdjetinen júzege asatyn joba boıynsha syıymdylyǵy 2h10000 m3 toptamasy men Oranǵaı, Biresek, Myrǵalymsaı syrtqy sý júıeleriniń qurylysy, 5 dana sý uńǵymasyn qazý jumystary qaralǵan. Jumys kestege sáıkes júrýde.
Oblys ortalyǵyn ortalyqtandyrylǵan aýyzsý júıelerimen qamtamasyz etý jumystaryn baqylap, jańadan salynyp jatqan magıstraldyń sapasyn teksergen oblys ákimi О́mirzaq Shókeev jaýapty sala basshylaryna turǵyndardy tolyq taza sýmen qamtamasyz etýdi tapsyrdy.
