Medısınalyq uıymdardy dári-dármektermen jáne vırýstan qorǵaný quraldarymen qamtamasyz etý ýákiletti organnyń negizgi mindeti bolyp tabylady.
Elordaǵa Reseıden gýmanıtarlyq kómekpen 2790 dana qorǵanys kıimi, 21 850 dana kóleminde úsh qabatty maska, 236 «koronovır» tabletkasy, al Qytaı Halyq Respýblıkasynan 450 dana medısınalyq qorǵanys kıimi, 3000 dana hırýrgııalyq qolǵap, 15 dana ınfraqyzyl termometr, 2200 dana medısınalyq maska, 3040 dana hırýrgııalyq maska jetkizildi.
«Astana – adaldyq alańy» jobasynyń jetekshisi, qalalyq máslıhattyń depýtaty Mıras Shekenov Nur-Sultan qalasy Sybaılas jemqorlyqqa qarsy is-qımyl departamenti basshylyǵy, «Astana – adaldyq alańy» joba menedjerleri jáne Arnaıy monıtorıng tobynyń múshelerinen quralǵan jumys toby Reseı men Qytaıdan kelgen gýmanıtarlyq kómektiń «SQ-Farmasııa» qoımasynan medısınalyq uıymdarǵa jetýine monıtorıng júrgizilip jatqanyn atap ótti.
«Búgingi tańda koronavırýstyq ınfeksııasy bar naýqastar ornalasqan medısınalyq uıymdardy jeke qorǵanys quraldary men dári-dármektermen qamtamasyz etý karantındik jaǵdaılardan tezirek shyǵýǵa múmkindik beredi. Bul kezeńde azamattardyń densaýlyǵy basty ról atqarady.
Esh nárseni adam ómirimen salystyrýǵa bolmaıdy. Bul jaǵdaıda memleket qalyptasqan jaǵdaıdy joıý úshin keshendi sharalar qabyldaýda. Arnaıy monıtorıng toby men joba menedjerleri gýmanıtarlyq kómektiń Qazaqstanǵa jetkizilgen sátinen bastap tutynýshyǵa deıin jetý baǵytyn qadaǵalaýda. Barlyq paketter qorǵanys quraldary men tegin gýmanıtarlyq kómekke jatatyndyǵyn bildiretin mórmen bekitiledi. Bul shara taýarlardy dárihanalar men deldaldar arqyly satýdyń aldyn alýǵa múmkindik beredi. Osyǵan baılanysty, barlyq múddeli azamattardy eger dárilik preparattarda osyndaı mór bolsa, jobanyń 8 775 160-55-32 baılanys nómirine habarlasýǵa shaqyramyn», dedi Nur-Sultan qalasy sybaılas jemqorlyqqa qarsy is-qımyl departamenti janyndaǵy Arnaıy monıtorıngtik top ókili Jánibek Ýspanov.
