Jasotandyqtar bastaǵan eriktiler 800-den astam densaýlyq sebetin medısına qyzmetkerlerine úlestirip úlgerdi. Almaty qalasy boıynsha koronavırýstyń aldyn alý jáne vedomstvoaralyq komıssııasynyń qoldaý kórsetýimen júzege asqan jobanyń alǵashqy kúni megapolıstegi úsh birdeı irgeli aýrýhananyń qyzmetkerleri qoldaý paketine ıe boldy. Jıyntyq ımmýnıtetti nyǵaıtýǵa arnalǵan ónimderden quralǵan. Aıtýly naýqan aldaǵy 4-5 kún boıy jalǵasyn tabatyn bolady.
– Álemdi sharpyǵan koronavırýstyq ınfeksııa eshkimdi beıjaı qaldyrǵan joq. Osyndaı syn saǵatta dárigerlerimiz ózgelerdiń ómiri úshin aıanbaı kúresýde. Tórt aı boıy ter tógip, otbasynan jyraqta júrgen búgingi qoǵamnyń batyrlaryna alǵys bildirgimiz keldi. Olardyń eńbeginiń arqasynda qanshama jan denesin dendegen dertinen aıyǵyp, aıaqqa turdy. Aksııaǵa arnaıy daıyndyqtan ótken 10-ǵa jýyq erikti jumyldyryldy. Olardyń árqaısysy qorǵanysh quraldarymen qamtamasyz etilgen. Aksııa barysynda barlyq saqtyq sharalary eskerildi, – deıdi erikti Bekembaı Sahı.
ALMATY
