Búgin brıfıngte qalalyq bilim basqarmasynyń basshysy Sholpan Qadyrova mektepter men kolledjderdiń jańa oqý jylyna daıyndyǵy týraly aıtty. Onyń aıtýynsha, 2020-2021 oqý jylynda elorda boıynsha 202 myń mektep oqýshysy bolady dep kútilýde. (О́tken oqý jylynda – 182 279). Birinshi synypqa 27 myńnan astam oqýshy qabyldaý josparlanýda.
Qazirge, 12 453 ótinish berilip, 10090 qabyldandy.(37%). Qujattardy qabyldaý elektrondy úkimet Egov.kz portaly arqyly jáne qaǵaz túrinde mektepterde júrgizilýde. Kolledjderde aldaǵy oqý jylynda 8 myń stýdent, sondaı-aq 13 mamandyq boıynsha erekshe bilim alý qajettiligi bar 139 bilim alýshy qabyldanady dep kútilýde (ótken jyly – 12 mamandyq boıynsha 105 bala).
"1 qyrkúıekte jańa oqý jyly barlyq elorda mektepterinde 1-11 synyptar jáne kolledjderde qashyqtan oqytý formatynda bastalady. Bul rette qatań sanıtarlyq sharalardy saqtaı otyryp, bastaýysh synyptyń oqýshylary úshin "kezekshi synyptardyń" jumysy josparlanýda. Onyń qalaı jumys isteıtinin túsindire ketsek. Bastaýysh synyp oqýshylarynyń ata-analarynyń ótinishi negizinde sanıtarlyq talaptardy saqtaı otyryp "kezekshi synyptar" ashylatyn bolady. Oqý birneshe aýysymmen júzege asady. Synyptar kishi toptarǵa bólinedi. Ol toptarda oqýshy sany 10-15 ten aspaıtyn bolady. Sabaqtar bir kabınette ótkizilip, úzilis ár túrli ýaqyttarda bolady. Sonymen qatar sabaqtardyń bir bóligi qashyqtan júrgiziledi", dedi Sh.Qadyrova.
Basqarma basshysy barlyq sanıtarlyq sharalardyń saqtalýy basty mindetterdiń biri ekenin atap ótti. "Ol úshin mektepter dezınfeksııalaý quraldarymen, teplovızorlarmen, qorǵanys quraldarymen qamtamasyz etiledi. Dástúrli formattaǵy oqý jaǵdaıynda, ıaǵnı kezekshi synyptardyń jumysy úshin algorıtm kelesideı bolady: ata-analar balalardy «kezekshi synyptarǵa" ákeledi, biraq ǵımaratqa kirmeıdi; mekteptiń kireberisi dezınfeksııalyq kilemshelermen qamtamasyz etiledi; mektepke kirer kezde balanyń temperatýrasyn ólshenedi; qoldy antısektıkpen óńdeý jáne maskanyń bolýy mindetteledi; barlyq qabattarda jáne árbir «kezekshi synypta» antısanıtaızerlerdi ornatylady; synypty jeldetý, kvarstaý jáne ylǵaldy jınaý kestesi; qyzyl syzyqpen belgileı otyryp, medısınalyq kabınetterdiń janynda ızolıator-bólme ashý", dedi basqarma basshysy.
Ol sondaı-aq qashyqtan oqytýdyń qalaı ótetinin aıtty. "Qashyqtan oqytý úshin eń aldymen pedagogter men oqýshylardyń kompıýter jáne ınternetpen qamtamasyz etilýi mańyzdy. Pedagogter men oqýshylardyń kompıýter men ınternetke qajettiligine monıtorıng júrgizildi. Qajetti quraldar satyp alynatyn bolady. Bul rette tehnıkany qajet etetin az qamtylǵan jáne kóp balaly otbasylardan shyqqan oqýshylar mindetti túrde kompıýterlermen jáne roýterlermen qamtamasyz etiledi", – dedi Sh.Qadyrova.
Jańa oqý jylynda oqýshylardy oqýlyqtarmen qamtamasyz etý jumystary da júrgizilýde. "Qamtamasyz etý 100%-dy quraıdy. Oqýshylar oqýlyqtardy 1 qyrkúıekke deıin alady", dep sózin túıindedi Sh.Qadyrova.
