2013 jylǵy 28 aqpan, Astana qalasy
«Áýejaı paıdalanýshysynyń birinshi basshysy laýazymyna kandıdattar úshin biliktilik talaptaryn bekitý týraly» Qazaqstan Respýblıkasy Kólik jáne kommýnıkasııa mınıstriniń 2010 jylǵy 6 qyrkúıektegi №396 buıryǵyna ózgerister engizý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 64-babynyń 2-tarmaǵyna sáıkes buıyramyn:
1. «Áýejaı paıdalanýshysynyń birinshi basshysy laýazymyna kandıdattar úshin biliktilik talaptaryn bekitý týraly» Qazaqstan Respýblıkasy Kólik jáne kommýnıkasııa mınıstriniń 2010 jylǵy 6 qyrkúıektegi №396 buıryǵyna (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde №6517 tirkeldi, 2011 jylǵy 26 qańtardaǵy №27-28(26448-26449) «Kazahstanskaıa pravda» gazetinde jarııalandy) mynadaı ózgerister engizilsin:
Kórsetilgen buıryqpen bekitilgen áýejaı paıdalanýshysynyń birinshi basshysy laýazymy kandıdatyna qoıylatyn biliktilik talaptaryna:
2-tarmaq mynadaı redaksııada jazylsyn:
«2. Áýejaı paıdalanýshysynyń birinshi basshy laýazymyna kandıdat Qazaqstan Respýblıkasynyń eńbek zańnamasyna sáıkes qujattyq túrde rastalǵan joǵary bilimi bar jáne azamattyq avıasııa salasyndaǵy basshylyq laýzymdarda jumys tájirıbesi 3 jyldan kem emes Qazaqstan Respýblıkasynyń azamaty bola alady.»
2. Qazaqstan Respýblıkasy Kólik jáne kommýnıkasııa mınıstrliginiń Azamattyq avıasııa komıteti (B.K. Seıdahmetov):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) buıryqtyń Qazaqstan Respýblıkasy Ádilet mınıstrliginde memlekettik tirkeýden keıin onyń buqaralyq aqparat kózderinde, sondaı-aq Qazaqstan Respýblıkasy Kólik jáne kommýnıkasııa mınıstrliginiń ınternet-resýrsynda resmı túrde jarııalanýyn jáne MOIP ornalastyrylýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri A.Ǵ.Bekturovqa júktelsin.
4. Osy buıryq alǵash ret resmı jarııalaǵan kúninen keıin kúntizbelik on kún ótken soń qoldanysqa engiziledi.
Mınıstr A.JUMAǴALIEV.
Buıryq Qazaqstan Respýblıkasynyń Ádilet mınıstrliginde 2013 jylǵy 28 aqpanda Normatıvtik quqyqtyq kesimderdi memlekettik tirkeýdiń tizilimine №8347 bolyp engizildi.
