Aıǵaqty zat retinde alynyp, saraptamaǵa jiberilgen qustar kezquıryq jáne jaǵaltaı bolyp shyqty. Polısııa qyzmetkerleriniń habarlaýynsha, atalǵan jaıt QR ÁQBtK-niń 389-baby “Jabaıy janýarlar men ósimdikterdiń túrlerin, olardyń bólikterin nemese derıvattaryn zańsyz ıemdený, ótkizý, alyp ótý, ákelý, áketý, saqtaý (ustaý)” boıynsha tirkelip, ákimshilik hattama toltyrylǵan. Jınaqtalǵan is-qujattary sheshim shyǵarylý úshin sotqa joldanady.
Tártip saqshylary osy baptyń sanksııalaryna sáıkes jabaıy janýarlar, ósimdikterdiń túrleri men olardyń ónimderi tárkilene otyryp, jeke tulǵalarǵa – on, shaǵyn kásipkerlik sýbektilerine – otyz, orta kásipkerlik sýbektilerine – elý, iri kásipkerlik sýbektilerine jetpis aılyq eseptik kórsetkish mólsherinde aıyppul salynatynyn eskertedi.
Túrkistan oblysy
