Qart áıel aýdan ortalyǵy Mamlıýtkanyń túbindegi Pokrovka selosynda turady. Kelgender onyń jalǵyzbasty ekenin jáne aqshaly ekenin zerttep alyp kirse kerek. О́ıtkeni, qoldy bolǵan aqsha men múliktiń somasy 580 myń teńge dep baǵalanǵan. Áıeldiń baǵyttaýymen polısııa qyzmetkerleri kóp keshikpeı kúdiktilerdiń izine túsedi.
Mamlıýt aýdandyq polısııa bólimi bastyǵynyń mindetin atqarýshy, polısııa maıory Jeńis Temirbekovtyń aıtýyna qaraǵanda kúdiktiler mingen mashına Jambyl aýdanynyń aýmaǵyna qaraı júrgen. Kórshi aýdandaǵy áriptesteriniń kómegimen toqtatylǵan mashınada otyrǵan eki áıeldiń kelbeti shynynda kúdiktilerdiń bet-beınesine uqsas bolyp shyqqan. Olar Mamlıýt aýdanynyń 42 jastaǵy turǵyny men Qostanaı oblysy Uzynkól aýdanynda turǵan 48 jastaǵy buryn sottalǵan áıel eken. Tekserý barysynda olardan urlanǵan zattar tabylǵan.
Qazir kúdiktilerdiń ústinen qylmysty is qozǵalyp, ekeýi tergeý oqshaýlaǵyshyna qamaldy.
Soltústik Qazaqstan oblysy
