Sapar barysynda senator búginde 525 tósek orny bar aýrýhana jumysymen tanysyp, naýqastardyń jaǵdaıyn bildi. Sonymen qatar ınfeksııalyq naýqastarǵa arnalǵan qosymsha 30 tósek oryn ázirlengen.
Mamandar aımaqta pandemııaǵa qarsy kúrestiń eń basynda koronavırýstyq ınfeksııasy bar naýqastarǵa jáne olarmen baılanysta bolatyn adamdarǵa kómek kórsetý maqsatynda 760 tósek daıyndalǵandyǵy týraly habarlady. Alaıda, epıdemıologııalyq jaǵdaıdyń qıyn bolýyna baılanysty tósek sany 2410-qa deıin ulǵaıtyldy. Emhanalarda 64 ókpeni jasandy jeldetý apparaty bar, onyń altaýy oblystyq juqpaly aýrýlar aýrýhanasyna berildi.
Azamattarǵa qajetti dári-dármekterdiń bar ekenine kóz jetkizý jáne tutynýshylardyń pikirlerin tyńdaý maqsatynda oblys ákimi men senator qalalyq dárihanalardy aralap qaıtty. Odan ári delegasııa oblystyq juqpaly aýrýlar qyzmetiniń keńsesine, qalalyq aýrýhanaǵa jáne úıde medısınalyq kómek kórsetetin mobıldi top qurylǵan emhanalardyń birine bardy. Sondaı-aq, oblysta 125 mobıldi medısınalyq top bar. Olardyń 33-i qala turǵyndaryna qyzmet etse, 28-i aýdan ortalyqtarynda, 64-i aýyldyq eldi mekenderde jumys atqarady.
«О́ńirdiń jaǵdaıy jalpy eldegi ahýalǵa sáıkes qıyn. Naqty sharalar qajet. Pandemııamen kúres jergilikti memlekettik organdardyń, qoǵamnyń jáne árqaısymyzdyń yntamyz ben bastamamyzdy qajet etedi. Alypsatarlar azamattardyń ómirine tolyq jaýap berýi kerek. Qazirgi jaǵdaıdy minsiz dep aıtý qıyn. Jaqyn kúnderi biz halyqpen kezdesip, dárihanalar men aýrýhanalarǵa qoǵamdyq reıdter ótkizip, týyndaǵan máselelerdi jedel sheshýge kómektesemiz», - dedi Murat Baqtııaruly.
