"Búgin biz Nur-Sultan qalalyq ákimdiginen 59 ottegi konsentratoryn aldyq. Bul bizdiń naýqastarymyzǵa úlken kómek. Jabdyqtar olardyń emdelýine jáne jaǵdaıyn jaqsartýǵa kómektesedi", – deıdi №3 kópsalaly qalalyq aýrýhana dırektorynyń orynbasary Janar Ksanova.
Buryn habarlanǵandaı, Elorda aýrýhanalary men emhanalaryna koronavırýs pen pnevmonııany emdeý úshin qosymsha medısınalyq jabdyqtar tústi. Olardyń ishinde 150 flýometr, 350-den astam ottegi konsentratory, taıaý kúnderi ókpeni jasandy jeldetýge arnalǵan 50 apparat kelip túsedi. Jaqyn kúnderi qala aýrýhanalary men emhanalaryna taǵy 250-den astam ottegi konsentraty, 350 flýometr, 2 kompıýterlik tomograf jáne t.b. jabdyqtar kelip túsedi.
