Onyń aıtýynsha, dál osylaı jalǵasa berse, Kóbeıtuzdan kóz jazyp qalamyz.
"Kóbeıtuzǵa jassaǵan saparymda men kólge kóptep keletin kólik izderin, jaǵada ot jaǵyp, saýyq qurǵan oryndardy, "emdik qasıeti bar" dep qazylǵan tuzdyń ornyn, tipti kúlgin kól men kók aspan ortasynda ádemi kúıi oryndaǵan qyzdyń otyrǵan ornyna deıin kórdim. Áleýmettik jelige júkteý úshin jasalǵan vıdeo túsirilgen oryn joǵarydan túsken qysym sebebinen úlken shuqyrǵa aınalǵan. Bul "jaraqattardyń" orny kemi 10 jylsyz ońalmaıdy", - deıdi bloger.
Iаkov Fıodorovtyń aıtýynsha, kól jaǵasynda asa kóp qoqys baıqalmaǵan. Dese de, bul jaqynda kelip, aınalany jınap ketken volonter jastardyń arqasynda eken.
Bul - birneshe jyl degende kúlgin túske oralatyn álemdegi sanaýly kólderdiń biri. Bloger sondyqtan, Kóbeıtuzdyń kóz aldymyzda quryp ketpeýine bárimiz bir kisideı atsalysýymyz kerek ekenin aıtady. Buǵan baılanysty, bılikten shara kórý kerek ekenin de surapty.
"Birinshiden, Kóbeıtuzdy shuǵyl túrde memlekettik qorǵaýǵa alý kerek. Bul jer ıesiz qala berse, jaz sońyna deıin joǵaltyp alamyz.
Ekinshiden, jaǵalaýda qoldanýǵa belgili bir shart engizý asa qajet. Kól jaǵasynda ot jaǵýǵa tyıym salynbasa bolmaıdy.
Úshinshiden, kólge zııan tıgizetinderge shara qoldaný kerek. Kim Kóbeıtuzdyń tuzyn satýǵa árekettense, jarnama jasassa, ony naǵyz alaıaq dep tanýdy suraımyn", - delingen jazbada.
