Alaıda, bul shekteý sharalary árdaıym oryndalmaı otyr. Epıdemııa qaıta órship, kóptegen kvartaldar men qalalar karantınge alynǵandyqtan, bıznes taǵy da úlken qıyndyqtarǵa tap boldy.
Pandemııa Eýropa odaǵynda 135 myńǵa jýyq adamdy mert qylsa, AQSh-ta 141 myńdaı turǵynnyń ómir qıdy. Koronavırýs juqtyrýdan birinshi orynda Qurama Shtattar tur: daýasy joq aýrýǵa 3,8 mıllıon amerıkalyq shaldyqqan. Odan keıin – Brazılııa – 2,1 mıllıon adam. Al, Úndistanda mundaı naýqastardyń sany 1 mıllıon 160 myńǵa jaqyndap qaldy.
Koronavırýs pandemııasy búginde Ońtústik Afrıkada da kúsheıip, ony juqtyrǵandar Botsvanada, Kenııada, Namıbııada, Zambııada, Zımbabvede de kóbeıip keledi
Dúnıejúzilik densaýlyq saqtaý uıymynyń málimdeýinshe, Amerıka kontınentterinde 70 myńnan astam baıyrǵy úndis te koronavırýsqa shaldyǵyp, eki myńdaıy jan tásilim etken.
Vashıngtondaǵy Djons Hopkıns ýnıversıtetiniń esebinshe, álemde bul ınfeksııany juqtyrǵandar jalpy sany 14 mıllıon 700 myńnan asyp, 610 myńǵa jýyǵy qaıtys bolǵan.
